Í drögum að stjórn­ar­sátt­mála rík­iss­stjórnar Sjálf­stæð­is­flokks, Við­reisnar og Bjartrar fram­tíðar kemur fram að hún muni ekki leggja fram til­lögu á Alþingi varð­andi umsókn Íslands um aðild að Evr­ópu­sam­band­inu á þessu kjör­tíma­bili. Þar segir hins vegar að þing­menn stjórn­ar­meiri­hlut­ans geti stutt þing­mál varð­andi umsókn­ar­ferli að Evr­ópu­sam­band­inu komi slíkt mál fram undir lok kjör­tíma­bils­ins. Frá þessu er greint í Morg­un­blað­inu.

Þetta er í sam­ræmi við það sem Kjarn­inn greindi frá í síð­ustu viku, að Evr­ópu­mál verði afgreidd með þeim hætti að þings­á­lykt­un­ar­til­laga verður lögð fram á kjör­tíma­bil­inu um hvort ráð­ast eigi í þjóð­ar­at­kvæða­greiðslu um áfram­hald við­ræðna Íslands við sam­band­ið. Rík­is­stjórnin mun ekki bera ábyrgð á þeirri til­lögu og Sjálf­stæð­is­flokk­ur­inn, sem er and­vígur aðild, mun geta barist gegn þeirri nið­ur­stöðu. Það mun Fram­sókn­ar­flokk­ur­inn einnig gera. Ljóst er að þing­menn Sam­fylk­ing­ar, Bjartrar fram­tíð­ar, Við­reisnar og Pírata munu kjósa með til­lög­unni. Það mun því ráð­ast af afstöðu Vinstri grænna hvort slík þjóð­ar­at­kvæða­greiðsla fari fram eður ei.

Kjarn­inn greindi einnig frá því í síð­ustu viku að stóra mála­miðl­unin sem hefur verið gerð í við­ræðum er í sjáv­ar­út­vegs­mál­um. Heim­ildir Kjarn­ans herma að Við­reisn hafi gefið eftir kröfu um upp­boð á afla­heim­ildum til þess að ná saman við Sjálf­stæð­is­flokk­inn. Þess í stað verður sam­þykkt að búa til ferli sem eigi að miða að breyt­ingum innan ákveð­ins tímara­mma, en kerf­is­breyt­ing á sjáv­ar­út­vegs­kerf­inu sjálfu verður ekki hluti af stjórn­ar­sátt­mála.