Skýrsla starfs­hóps um aflandseignir Íslend­inga verður mik­il­vægt inn­legg inn í þá vinnu sem framundan er hjá stjórn­völd­um, en sögðu í stefnu­yf­ir­lýs­ingu rík­is­stjórn­ar­innar að „mark­visst skuli unnið gegn skatt­und­anskotum og skatta­skjól­u­m.“ 

Þetta kemur fram í svari Bene­dikts Jóhann­es­sonar fjár­mála­ráð­hera við fyr­ir­spurn Morg­un­blaðs­ins. Fjár­mála­ráð­herr­ann er einnig spurður hvað hann hygg­ist gera með skýrsl­una og segir að að vegna þess hversu skammur tími er lið­inn frá því að hann tók við emb­ætti hafi ekki náðst að kort­leggja efn­is­þætti skýrsl­unnar þannig að unnt sé að segja til um fram­haldið á þess­ari stundu.

Ráðu­neytið hefur engin gögn undir höndum um að tví­skött­un­ar­samn­ingar hafi verið mis­not­að­ir, eins og kemur fram í skýrsl­unni. Hins vegar sé Ísland virkur þátt­tak­anadi í aðgerð­ar­á­ætlun G20 og OECD gegn skattsvikum og skatta­skjól­um. Loka­á­fang­inn í þeim aðgerðum verður sam­eig­in­leg end­ur­skoðun á öllum tví­skött­un­ar­samn­ingum þátt­tökju­ríkja, með við­auka sem skrifað verður undir í jún­í. 

 „Inn­tak þess við­auka er að skatt­yf­ir­völd fái frek­ari verk­færi til að beita í bar­átt­unni gegn mis­notkun tví­skött­un­ar­samn­inga sem gangi framar eða komi til við­bótar þeim sem þegar eru til staðar í samn­ing­un­um. Ísland, Hol­land og Lúx­em­borg eru þátt­tak­endur í umræddri áætlun með um og yfir 100 öðrum ríkj­um. Í ljósi þess er end­ur­skoðun á fyrr­nefndum tví­skött­un­ar­samn­ingum Íslands þegar í gangi, þó að óbeint sé, í þeim til­gangi að hamla gegn mis­notkun þeirra,“ segir fjár­mála­ráð­herra.