Bjarni Bene­dikts­son for­sæt­is­ráð­herra mun flytja sína fyrstu stefnu­ræðu í kvöld klukkan 19:30. Í kjöl­farið fara fram umræður um hana þar sem þrír full­trúar allra flokka taka þátt. Mesta athygli vekur að Sig­mundur Davíð Gunn­laugs­son, fyrr­ver­andi for­sæt­is­ráð­herra, verður einn ræðu­manna Fram­sókn­ar­flokks­ins, en sam­band hans við flokks­for­yst­una hefur verið við frost­mark und­an­farna mán­uði í kjöl­far þess að hann tap­aði for­manns­slag gegn Sig­urði Inga Jóhanns­syni. Í útvarps­við­tali um miðjan des­em­ber sagði Sig­urður Ingi að það hæti verið betra á milli hans og Sig­mundar Dav­íðs og að það væri við­var­andi verk­efni að bæta sam­skipti við Sig­mund Davíð innan þing­flokks Fram­sókn­ar­flokks­ins. 

Auk Bjarna munu Þór­­dís Kol­brún Reyk­­fjörð Gylfa­dótt­ir, ­ferða­mála-, iðn­að­ar- og ný­­sköp­un­­ar­ráð­herra, og Val­­gerður Gunn­­ar­s­dótt­ir tala fyrir hönd Sjálf­stæð­is­flokks­ins. Hjá Við­reisn talar Bene­dikt Jóhann­es­son, fjár­mála- og efna­hags­ráð­herra, Hanna Katrín Frið­riks­son og Jóna Sól­veig Elín­ar­dótt­ir. Hjá Bjartri fram­tíð talar allir þing­menn flokks­ins nema einn. Þeir eru Ótt­arr Proppé heil­brigð­is­ráð­herra, Björt Ólafs­dótt­ir, umhverf­is- og auð­linda­ráð­herra, og Theo­dóra Þor­steins­dótt­ir.

Fyrir Vinstri græn munu Katrín Jak­obs­dótt­ir, for­maður flokks­ins, Ari Trausti Guð­munds­son og Rósa Björk Brynj­ólfs­dóttir tala. Hjá Fram­sókn mun Lilja Alfreðs­dóttir tala til við­bótar við þá Sig­urð Inga og Sig­mund Dav­íð. Ræðu­menn Sam­fylk­ingar eru allir þing­menn henn­ar: Logi Már Ein­­ar­s­­son, for­maður flokks­ins, Odd­ný G. Harð­ar­dótt­ir og Guð­jón S. Brjáns­­son. 

Fyrir Pírata tala Ásta Guð­rún Helga­dótt­ir, Björn Leví Gunn­ars­son og Viktor Orri Val­garðs­son.