Bjarni Bene­dikts­son for­sæt­is­ráð­herra spyr hvort það geti verið að Píratar hafi ekki geta unnt Fram­sókn­ar­flokknum að leiða efna­hags- og við­skipta­nefnd og hafi „frekar viljað kasta öllu frá sér til að koma þeirri sögu á kreik að stjórnin hafi ekk­ert boð­ið?“. Þess í stað hafi ekki náðst sam­komu­lag um að stjórn­ar­and­staðan fengi for­mennsku í þremur af átta fasta­nefndum Alþing­is, líkt og stjórn­ar­flokk­arnir þrír hefðu sam­þykkt. Stjórn­ar­flokk­arnir munu að öllum lík­indum verða með for­menn í öllum fasta­nefnd­unum átta. 

Bjarni segir í stöðu­upp­færslu á Face­book að komið hafi fram ein­dregin vilji stjórn­ar­and­stöðu um að fá for­mennsku í þremur nefnd­um, í stað tveggja eins og á síð­asta kjör­tíma­bili. Þá hafði stjórn­ar­and­staðan for­mennsku í vel­ferð­ar­nefnd og stjórn­skip­un­ar- og eft­ir­lits­nefnd og stóð sú for­mennska áfram til boða. Til stóð að tveir stærstu stjórn­ar­and­stöðu­flokk­arn­ir, Vinstri græn og Pírat­ar, myndu fá for­mennsku í þeim nefnd­um. Bjarni segir að kæmi til þess að samið yrði um þriðju for­mennsk­una þá yrði það til að tryggja að Fram­sókn­ar­flokk­ur­inn færi fyrir einni nefnd, enda væri hann þriðji stærsti flokk­ur­inn. „Þessi sam­töl þró­uð­ust með þeim hætti að Fram­sókn­ar­flokk­ur­inn sótt­ist eftir eftir for­mennsku í efna­hags- og við­skipta­nefnd. Af hálfu stjórn­ar­flokk­anna var það sam­þykkt. Með þessu höfðu stjórn­ar­flokk­arnir fall­ist á að fela stjórn­ar­and­stöðu for­ystu í fleiri nefndum en dæmi eru um.“

Fyrr í dag voru sagðar af því fréttir að stjórn­ar­and­staðan hafi sagt stjórn­ar­flokk­anna hafa viljað skipta sér að því hvaða ein­stak­lingar myndu stýra nefndum sem hún fengi for­mennsku í. Það vildi stjórn­ar­and­staðan ekki sætta sig við og því muni hún hvorki taka við for­mennsku né vara­for­mennsku í nefnd­um. Bjarni segir að þar sé stjórn­ar­and­staðan að snúa öllu á haust á þann veg að þar sem sam­komu­lagið hafi snú­ist um að fall­ast á bón Fram­sókn­ar­flokks­ins um for­ystu í efna­hags- og við­skipta­nefnd þá hafi stjórn­ar­flokk­arnir viljað hafa áhrif á val stjórn­ar­and­stöð­unn­ar. „Því er slegið upp sem stað­reynd í fyr­ir­sögn fréttar á RÚV. Það væri nær að skrifa frétt um að stjórn­ar­and­staðan hafi gefið frá sér for­mennsku í þremur nefndum því hún gat ekki komið sér saman um hvað ætti að falla í hvers hlut. Getur verið að Píratar hafi ekki getað unnt Fram­sókn­ar­flokknum þess að leiða mik­il­væga nefnd og hafi frekar viljað kasta öllu frá sér til að koma þeirri sögu á kreik að stjórnin hafi ekk­ert boð­ið?“