Íslensk stjórn­völd þurfa strax að end­ur­skoða tví­skött­un­ar­samn­inga við Hol­land og Lúx­em­borg í ljósi nið­ur­stöðu skýrslu um aflandseignir Íslend­inga. Þetta segir Óli Björn Kára­son, þing­maður Sjálf­stæð­is­flokks­ins og for­maður efna­hags- og við­skipta­nefndar Alþing­is, við RÚV. 

Óli Björn segir ljóst að skýrslan varpi aðeins tak­mörk­uðu ljósi á það vanda­mál sem við sé að glíma og heil­steyp­ari myndi þurfi að fást. „Ég held að það sem þessi skýrsla kennir okkur er að gagna­öflun og gagna­söfnun um fjár­magns­flutn­inga er ekki eins og hún ætti að vera hér hjá okk­ur.“ 

Óli Björn sagði líka að eft­ir­lits­stofn­anir eins og rík­is­skatt­stjóri þurfi að meta til hvaða aðgerða eigi að grípa. „En það er líka ljóst, finnst mér, að við þurfum að end­ur­skoða nú þegar tví­skött­un­ar­samn­inga sem eru í gildi milli Íslands og Hollands og Lúx­em­borg­ar. Þeir samn­ingar eru ekki eins og til var stofn­að, það er alveg ljóst.“ 

Þá vill hann einnig að fram­kvæmd fjár­fest­ing­ar­leiðar Seðla­bank­ans verði skoð­uð. „Þegar veittur var 20% afsláttur af íslensku krón­unni, og meðal ann­ars íslenskir aðilar með fjár­magn erlendis nýttu sér fjár­fest­ing­ar­leið­ina. Það eru margar spurn­ingar sem vakna þar, og ég held að við þurfum að skoða þá fram­kvæmd, hvernig var staðið að verki þar.“