Neil Gorsuch verður lík­lega nýr dóm­ari í Hæsta­rétti Banda­ríkj­anna eftir að Don­ald J. Trump til­nefndi hann dóm­ara í spennu­þrung­inni athöfn. Gorsuch er sagður íhalds­samur dóm­ari, Repúblikani alveg inn að beini, en þykir um margt hafa staðið sig vel á dóm­ara­ferli sínum til þessa, að því er segir í New York Times. 

Demókratar hafa þó þeg­ar, margir hverj­ir, mót­mælt útnefn­ingu Gorsuch og sagt hana grafa undan stjórn­skipan lands­ins og úti­lokað sjálf­stæð vinnu­brögð rétt­ar­ins. Elisa­beth War­ren er einn þeirra sem hefur gagn­rýnt skipan Gos­uch og segir dóm­ara­feril hans sýna að hann hafi ekki það sem þarf til að takast á við starf­ið, flókn­ara sé það nú ekki.



Gorsuch er 49 ára gam­all og með lög­fræði­menntun frá Col­umbia í New York og Harvard háskóla í Boston. 

Gorsuch hefur starfað við áfrýj­un­ar­dóm­stól­inn í Den­ver og er málsvari trú­frelsis og þykir mik­ill bók­stafs­trú­ar­maður þegar kemur að túlkun stjórn­ar­skrár­inn­ar. Hann seg­ist horfa mikið ti þess hvernig Scalia nálg­að­ist dóm­ara­starfið en hann var 79 ára þegar hann lést.



Gor­usch sagði í ræðu, sem hann flutti þegar hann var útefndur dóm­ari, að hann hefði alltaf litið upp til Ant­onin Scalia, sem lést í febr­úar síð­ast­liðn­um. Scalia var umdeildur fyrir íhalds­samar skoð­anir og þótti vera haukur í horni á íhalds­samasta hluta Repúblikana­flokks­ins.