Katrín Jak­obs­dótt­ir, for­maður Vinstri grænna, spurði Bjarna Bene­dikts­son for­sæt­is­ráð­herra að því í óund­ir­búnum fyr­ir­spurna­tíma á Alþingi í dag hvort hann skuld­aði ekki Alþingi afsök­un­ar­beiðni vegna þess að tvær skýrslur sem voru á hans borði voru ekki birtar opin­ber­lega fyrir kosn­ing­ar. 

Skýrsl­urnar tvær eru ann­ars vegar skýrsla um aflandseignir Íslend­inga og hins vegar um fram­kvæmd Leið­rétt­ing­ar­innar svoköll­uðu. Katrín sagði bæði málin stórpóli­tísk, ann­ars vegar væri þetta málið sem varð til þess að kosn­ingum var flýtt og hins vegar stærsta póli­tíska mál síð­asta kjör­tíma­bils. 

Katrín spurði einnig hvort Bjarni væri sáttur væri sáttur við þessa frammi­stöðu og hvort hann teldi að ekki hefði átt að gera bet­ur.

Bjarni svar­aði því ekki hvort hann skuld­aði þing­inu afsök­un­ar­beiðni, en hann sagð­ist ekki vera í neinum ágrein­ingi við Katrínu um það að lang­best sé að koma svörum og skýrslum hratt og örugg­lega inn í þing­ið. Hann við­ur­kenndi að leið­rétt­ing­ar­skýrslan hafi tekið of langan tíma og sagð­ist margoft hafa svarað því að ástæða þess að aflands­skýrslan var ekki gerð opin­ber fyrr hafi verið kosn­ing­arn­ar. Hann hafi líka við­ur­kennt að að hann hefði betur látið málið til þings­ins fyrr. 

„Því miður er það þannig og það er ekk­ert nýtt að það hefur ekki tek­ist að svara öllum fyr­ir­spurn­um,“ sagði Bjarni meðal ann­ars og tók dæmi um tím­ann fyrir kosn­ingar árið 2013, þegar Katrín var hluti af rík­is­stjórn Sam­fylk­ingar og VG. 19 skrif­legar fyr­ir­spurnir hafi legið ósvar­aðar fyrir kosn­ing­arnar í apríl 2013, það þætti Katrín sjálf að vita „vegna þess að hún svar­aði sjálf ekki öllum fyr­ir­spurn­um.“ 

„Ég hefði nú haldið að hæst­virtur for­sæt­is­ráð­herra gæti gert aðeins betur í sínu svari hér,“ sagði Katrín þegar hún kom upp í ræðu­stól í annað sinn. Það hafi verið 22 aðrar fyr­ir­spurnir ósvar­aðar þegar gengið var til kosn­inga í haust, svo vissu­lega sé málum oft svona hátt­að. Þarna sé hins vegar að ræða um tvær skýrsl­ur. Hún sagði að hvorki hún né Bjarni gætu nokkuð sagt til um hvort að skýrsl­urnar tvær hefðu haft nein áhrif á úrslit kosn­ing­anna. Það sé hins vegar grund­vall­ar­at­riði í svona stórpóli­tískum málum að það séu gerðar kröfur um að svör séu birt strax. 

Bjarni sagði í öðru svari sínu að auð­vitað væri lang­best að koma svörum hratt og örugg­lega inn í þing­ið. „Til dæmis fyr­ir­spurn frá Pétri H. Blön­dal frá þar­síð­asta kjör­tíma­bili, sem hann þurfti í þrí­gang að leggja fyrir rík­is­stjórn­ina en fékk aldrei svar.“ 

Hann væri meira en til í að taka undir með Katrínu að stjórn­sýslan sé sterk og vel mönnuð þannig að fyr­ir­spurnum sé svarað sem best og hrað­ast. 

Hann sagði leið­rétt­ing­ar­skýrsl­una hafa tekið of langan tíma. „En gleymum því ekki að henni var skilað hingað til þings­ins, ólíkt því sem sem var með skýrslu­beiðni þá sem ég nefndi frá Pétri H. Blön­dal, sem aldrei var skil­að.“