Bene­dikt Jóhann­es­son, fjár­mála- og efna­hags­ráð­herra, segir að ummæli sín um „hag­sýnar hús­mæð­ur“ á Alþingi hafi verið kjána­leg og biðst afsök­unar á þeim. Þetta kemur fram í stöðu­upp­færslu ráð­herr­ans á Face­book. 

Í umræðum á Alþingi um verk­lag við opin­ber fjár­mál í gær sagði Bene­dikt: „Mér finnst áhuga­vert hverjir það eru sem sýna mestan áhuga á þessum umræð­um, það erum við hátt­virtur þing­maður Njáll Trausti Frið­berts­son og hinar hag­sýnu hús­mæður sem eru í stórum hópum hér inni. Það er þannig að það skiptir afar miklu máli að tala um þetta.“

Hann hefur verið gagn­rýndur í dag fyrir að nota orða­lagið „hinar hag­sýnu hús­mæð­ur“, meðal ann­ars af Bjarkeyju Olsen Gunn­ars­dóttur, þing­konu Vinstri grænna. Hún gagn­rýndi Bene­dikt í ræðu­stól Alþingis í dag, og spurði aðrar þing­konur hvort þeim þætti þetta í lag­i. 

Á Face­book í dag sagði Bene­dikt: „Í ræðu­stól Alþingis vís­aði ég til þing­kvenna sem hag­sýnna hús­mæðra. Það var til­raun til þess að gefa hnyttið and­svar við fyrri ræðu, en hún heppn­að­ist afleit­lega. Um leið og ég heyrði mig segja þetta hugs­aði ég: „Þú ert nú ekki alltaf jafn orð­hepp­inn Bene­dikt.“ Þetta voru kjána­leg ummæli og ég biðst afsök­unar á þeim.“

Bjarkey Olsen bregst svo við afsök­un­ar­beiðni Bene­dikts á Face­book-­síðu sinni, og segir ráð­herr­ann mann að mann að meiru að biðj­ast afsök­un­ar. Afsök­un­ar­beiðnin sé góð­fús­lega með­tek­in.