Langstærstur hluti við­skipta með íbúða­hús­næði á höf­uð­borg­ar­svæð­inu á sér stað milli ein­stak­linga. Ekki hafa orðið gríð­ar­legar hlut­falls­legar breyt­ingar þar á frá því fyrir hrun. Þetta má sjá í tölum sem Þjóð­skrá Íslands hefur tekið saman um skipt­ingu við­skipta með íbúð­ar­hús­næði. 

Í töl­unum er hægt að sjá við­skipti með íbúð­ar­hús­næði eftir árs­fjórð­ungum aftur til árs­ins 2006. Líkt og sést á mynd­inni hér að neðan er hlut­fall við­skipta á milli ein­stak­linga, það er þegar ein­stak­lingur selur ein­stak­lingi, lang­hæst. Iðu­lega eru um 3 af hverjum 4 við­skiptum milli ein­stak­linga. Næst koma fyr­ir­tæki sem selja ein­stak­lingum íbúða­hús­næði, en það er oft í kringum 15-20 pró­sent af við­skiptum í hverjum árs­fjórð­ung­i. 

Und­an­farin ár hefur hlut­fall ein­stak­linga sem selja fyr­ir­tækjum íbúða­hús­næði verið í kringum 5-7 pró­sent. Það hlut­fall hækk­aði strax í hrun­inu, og fór upp í 12 pró­sent í lok árs 2008 og var í kringum tíu pró­sent fyrri hluta árs­ins 2009. 

Önnur staða mið­svæðis

Myndin er aðeins öðru­vísi þegar horft er til Reykja­víkur vestan Kringlu­mýr­ar­braut­ar. Engu að síður er það svo að lang­flest við­skipti eiga sér stað á milli ein­stak­linga, þrátt fyrir að hlut­fallið hafi lækkað síð­ustu ár. Und­an­farin tvö ár hefur hlut­fall við­skipta milli ein­stak­linga verið á bil­inu 71 til 81 pró­sent. 

Hlut­fall fyr­ir­tækja sem kaupa íbúða­hús­næði af ein­stak­lingum hefur auk­ist tals­vert á þessu svæði á und­an­förnum árum. Árið 2011 voru slík við­skipti innan við fimm pró­sent af heild­ar­fjöld­an­um, en þau juk­ust svo mjög skarpt á seinni hluta árs­ins 2012, og voru komin í 14 pró­sent í lok þess árs. Í fyrra voru fast­eigna­við­skipti þar sem fyr­ir­tæki keyptu af ein­stak­lingum í kringum 13 pró­sent. Það er því tals­vert meira um að fyr­ir­tæki kaupi íbúða­hús­næði af ein­stak­lingum mið­svæðis í Reykja­vík heldur en á höf­uð­borg­ar­svæð­inu í heild.