#sjávarútvegur#kjaramál#efnhagmál

Ráðuneytið skoðar ferla og meðhöndlun upplýsinga um loðnukvóta

Hlutabréf í HB Granda ruku upp í aðdraganda þess að tilkynnt var um stóraukinn loðnukvóta.

Þorgerður Katrín Gunnarsdóttir, sjávarútvegs- og landbúnaðarráðherra.
Þorgerður Katrín Gunnarsdóttir, sjávarútvegs- og landbúnaðarráðherra.

Sjáv­ar­út­vegs- og land­bún­að­ar­ráðu­neyti Þor­gerðar Katrínar Gunn­ars­dóttur ætlar að fara yfir „alla ferla, sam­skipti og vit­neskju sem lúta að ráð­gjöf Hafró um auk­inn loðnu­kvóta“ að því er segir í form­legu svari við fyr­ir­spurn Kjarn­ans um hvenær vit­neskja spurð­ist út um það að loðnu­kvót­inn yrði sext­án­fald­að­ur. 

Eins og greint var frá að vef Kjarn­ans í gær þá hafa hluta­bréf í HB Granda hækkað tölu­vert síð­­­ustu daga og rauk gengi bréfa félags­­ins upp eftir 8. febr­­úar síð­­ast­lið­inn. Þá var gengi bréfa félags­­ins rúm­­lega 25 en á fjórum við­­skipta­­dögum hækk­­aði það um 22,5 pró­­sent. Sjó­­manna­verk­­fall hefur staðið hefur yfir frá 14. des­em­ber með nei­­kvæðum afleið­ingum fyrir útgerð­­ar­­fé­lög og sjá­v­­­ar­út­­­veg­inn í heild. 

Kvót­inn var auk­inn í alls 196.075 þús­und tonn á þess­­ari ver­­tíð. Áætlað heild­­ar­verð­­mæti loðn­u­afl­ans er um 17 millj­­arðar króna.

Auglýsing

Veltan í þessum við­­skiptum var rúm­­lega 570 millj­­ón­ir, en í dag, eftir að til­­kynn­ingin um sext­án­­földun á loðn­u­kvót­­anum kom, hækk­­uðu bréfin um 4,13 pró­­sent í við­­skiptum upp á 410 millj­­ón­­ir. Ekki liggur fyrir hvaða fjár­­­festar voru að kaupa bréf á þessum fyrr­­nefnda tíma.

Sam­kvæmt heim­ilum Kjarn­ans var mikið rætt um þessi við­skipti á fjár­mála­mark­aði, ekki síst þar sem hækk­unin virt­ist á skjön við ytra rekstr­ar­um­hverfi HB Granda og ann­arra sjáv­ar­út­vegs­fyr­ir­tækja enda hefur sjó­manna­verk­fall, sem staðið hefur frá 14. des­em­ber, reynst sjáv­ar­út­vegnum erfitt og miklar tekjur tap­ast. 



Fyr­ir­spurn Kjarn­ans til sjáv­ar­út­vegs- og land­bún­að­ar­ráðu­neyt­is­ins var eft­ir­far­andi, og svörin sömu­leið­is. 

Spurn­ing blaða­manns: Hvenær voru upp­lýs­ingar um aukn­ingu loðnu­kvót­ans fyrst kynntar ráð­herra og ráða­mönn­um? Hverjir fengu kynn­ingu á þessu, og hvenær, nákvæm­lega? 

Svar: Tíma­línan er eft­ir­far­andi:

  1. Tvö skip í loðnu­leit 3. – 11. feb. – Í fjöl­miðlum hafa verið við­töl við skip­verja þar sem að sagt er frá því að fund­ist hafi mikið af loðnu (t.d. frétt í Fiski­frétt­u­m). Almenn skila­boð í fjöl­miðlum komin um að búast megi við tölu­verðri hækkun á ráð­gjöf

  2. Mánu­dag 13. feb. – Tölvu­póstur frá skrif­stofu­stjóra skrif­stofu sjáv­ar­út­vegs og fisk­eldis til ráð­herra þar sem segir að búast megi við nýrri ráð­gjöf um auk­inn kvóta frá Hafró dag­inn eft­ir. Ákveðið að hlíta ráð­gjöf Hafró hver svo sem hún yrði og koma til­kynn­ingu þess efnis eins hratt út og kostur er.

  3. Skrif­stofu­stjóri hringir í ráð­herra 14. feb. Kl. 10:56 og gerir grein fyrir ráð­gjöf Hafró. Ráð­herra ítrekar að ráð­gjöf Hafró skuli fylgt og það skuli kunn­gera þá ákvörðun strax og Hafró hefur sent frá sér til­kynn­ingu um nýja ráð­gjöf.

  4. Frétta­til­kynn­ing frá Hafró 14. feb. kl. 11:38

  5. Frétta­til­kynn­ing frá ANR 14. feb. 11:49

„Í ljósi frétta mun ráðu­neytið fara yfir alla ferla, sam­skipti og vit­neskju sem lúta að ráð­gjöf Hafró um auk­inn loðnu­kvóta,“ segir í svari ráðu­neyt­is­ins.

Meira úr sama flokkiInnlent
None