#rússland#bandaríkin

Trump og Pútín segja fréttir af samskiptum falsfréttir

Donald Trump Bandaríkjaforseti segir Rússlandshneykslið vera tilraun falskra fjölmiðla til að hylma yfir mistök sem Hillary Clinton gerði í sinni kosningabaráttu. Hann viðurkennir engu að síður að gögnum hafi verið lekið.

Don­ald Trump Banda­ríkja­for­seti segir fréttir banda­rískra miðla, þess efnis að starfs­­fólk fram­­boðs hans hafi verið í sam­­bandi við rús­s­­neska leyn­i­­þjón­ust­u­­menn end­­ur­­tekið á und­an­­förnu ári, vera sam­sær­is­kenn­ingar og blint hatur falskra fjöl­miðla. 

Tengsl fram­boðs hans við Rúss­land sé ein­göngu til­raun til þess að hylma yfir þau fjöl­mörgu mis­tök sem Hill­ary Clinton og hennar fram­boð hafi gert í kosn­inga­bar­átt­unni. Þetta kemur allt fram á Twitt­er-­síðu for­set­ans. Hann talar þó einnig um að upp­lýs­ing­arn­ar, sem koma fram í fréttum New York Times og Was­hington Post í morg­un, séu illa fengn­ar. Það sé raun­veru­legi skandall­inn í mál­inu og sé mjög óam­er­ískt. 

Auglýsing


Rúss­nesk stjórn­völd hafa einnig sagt fréttir New York Times og Was­hington Post vera fals­frétt­ir. 

Í New York Times í morgun er vitnað til fjög­­urra núver­andi og fyrr­ver­andi emb­ætt­is­­manna í Banda­­ríkj­unum vegna sam­skipta milli fólks sem teng­ist Trump og rúss­neskra leyni­þjón­ustu­manna, en fyrir liggja gögn um sím­­töl­in, tíma­­setn­ingu þeirra og úr hvaða tækjum var hring­t. Ekki liggja hins vegar fyrir upp­­lýs­ingar um hvert efni sím­tal­anna var og þá hefur Hvíta húsið ekki stað­­fest frétt­irn­­ar, en þeim hefur heldur ekki verið hafn­að. 

Mich­­ael Flynn sagði í gær af sér sem þjóð­ar­­ör­ygg­is­ráð­gjafi eftir að hann við­­ur­­kenndi að hafa greint vara­­for­­seta Banda­­ríkj­anna, Mike Pence, rang­­lega frá efni sam­tala sem hann átti við send­i­herra Rús­s­lands í Banda­­ríkj­un­um, Ser­­­­gei Kis­lyak. Hann ræddi meðal ann­­ars við hann við­­skipta­þving­­anir gagn­vart Rússum, en því hafði hann áður neit­að. 

Banda­ríska alrík­­is­lög­reglan FBI hefur Flynn nú til rann­­sóknar vegna tengsla hans við Rússa og þeirra sam­­skipta sem hann átti við Rússa. 

Sam­­kvæmt New York Times og Was­hington Post skoða banda­rískar leyn­i­­þjón­ustur nú hvort fram­­boð Trumps hafi unnið með Rússum að tölvu­árásum á Demókra­ta­­flokk­inn, þar á meðal tölvu­­pósta Hill­­ary Clinton og kosn­­inga­­stjóra henn­­ar, með það fyrir augum að ýta undir líkur á því að Trump ynni í kosn­­ing­un­­um.

Meira úr sama flokkiErlent
None