#sjávarútvegur#stjórnmál

Vill að þingið taki fram fyrir hendur ráðherra

Páll Magnússon, formaður atvinnuveganefndar, segir að ef Þorgerður Katrín Gunnarsdóttir, sjávarútvegs- og landbúnaðarráðherra, grípi ekki til aðgerða í sjómannadeilunni verði þingið að gera það.

Ef fram­kvæmda­valdið grípur ekki inn í sjó­manna­deil­una verður lög­gjaf­ar­valdið að gera það. Þetta sagði Páll Magn­ús­son, þing­maður Sjálf­stæð­is­flokks­ins og for­maður atvinnu­vega­nefndar Alþing­is, í Kast­ljósi í kvöld. 

Krafa hefur komið fram um að fæð­is- og dag­pen­ingar sjó­manna verði skatt­frjáls­ir. Þessu hefur Þor­gerður Katrín Gunn­ars­dótt­ir, sjáv­ar­út­vegs- og land­bún­að­ar­ráð­herra, hafnað en lagt til að farið verið heild­stætt yfir það hvernig farið er með fæð­is­­kostnað og greiðslur vegna fæðis almennt, í skatta­­legu til­­liti. 

Hald­inn verður sam­eig­in­legur fundur atvinnu­vega­nefndar og efna­hags- og við­skipta­nefndar Alþingis í fyrra­mál­ið. Þor­gerður Katrín mun mæta á þann fund. Páll sagði að ef Þor­gerður Katrín myndi ekki koma með neina lausn á þeim fundi yrði lög­gjaf­ar­vald­ið, þing­ið, að grípa inn í. 

Auglýsing

„Þetta er auð­vitað mjög alvar­legt mál, að það skuli standa á stjórn­völdum eða þessum tveimur ráð­herraum sem með þetta höndla, sjáv­ar­út­vegs­ráð­herra og fjár­mála­ráð­herra. Stjórn­völd eru ábyrg fyrir því gagn­vart þjóð­inni að þessi auð­lind sé nýtt. Það má ekki standa upp á þessi sömu stjórn­völd að það séu þau sem komi í veg fyrir að flot­inn sigli úr höfn og til veiða.“ 

Meira úr sama flokkiInnlent
None