Íslands­banki hagn­að­ist  um 20,2 millj­arða króna eftir skatta á síð­asta ári. Hagn­að­ur­inn er nálægt því sá sami og bank­inn skil­aði árið 2015, þegar hann var 20,6 millj­arðar króna. Sam­setn­ing hagn­að­ar­ins er þó ann­ars eðl­is. Í fyrra var hann fyrst og síð­ast vegna sölu á eign­ar­hluta Borg­unar í Visa Europe (Ís­lands­banki er stærsti eig­andi Borg­unar með 63,5 pró­sent eign­ar­hlut) og sterkum grunn­tekj­um. Árið 2015 var hann hins vegar fyrst og síð­ast vegna virð­is­breyt­ingu útlána. Þ.e. lán sem höfðu verið bók­færð með afföllum reynd­ust skila meiru en reiknað hafði verið með. Íslands­banki er að öllu leyti í eigu íslenska rík­is­ins.

Í afkomutil­kynn­ingu frá Íslands­banka kemur fram að 1,7 millj­arða króna ein­skiptis­kostn­aður hafi verið bók­aður í árs­reikn­ing bank­ans vegna skemmda á hús­næði hans við Kirkju­sand og flutn­ings í nýjar höf­uð­stöðv­ar. Myglu­sveppur fannst í gömlu höf­uð­stöðvum Íslands­banka snemma á síð­asta ári og í kjöl­farið ákvað bank­inn að flytja starf­semi sína í Kópa­vog.

Arð­semi eigin fjár var 10,2 pró­sent á síð­asta ári og lækk­aði á milli ár. Hagn­aður af reglu­legri starf­semi dróst líka saman um rúman millj­arð króna og var 15,1 millj­arður króna. Hreinar vaxta­tekjur juk­ust hins vegar um 14 pró­sent og voru 31,8 millj­arðar króna. Þá hækk­aði vaxta­munur og var 3,1 pró­sent „að hluta vegna hærra vaxtaum­hverfis og hækk­andi eigin fjár“.

Heild­ar­eignir Íslands­banka voru 1.048 millj­arðar króna um síð­ustu ára­mót og útlán til við­skipta­vina og lausafé voru 93 pró­sent af eignum bank­ans. Eig­in­fjár­hlut­fall hans var 25,2 pró­sent.

Birna Ein­ars­dótt­ir, banka­stjóri Íslands­banka, segir að árið í fyrra hafi verið mjög gott ár fyrir bank­ann og ein­kennst af mik­il­vægum áföngum í sögu hans. „Grunn­rekstur bank­ans hélt áfram að styrkj­ast og tekjur voru stöðug­ar. End­ur­skipu­lagn­ingu lána­safns­ins er lok­ið, eign­ar­hlutir í óskyldum rekstri hafa verið seldir og gæði eigna halda áfram að aukast.“