Það kemur ekki til greina að hleypa aflandskrónu­eig­endum úr landi ef það þýðir að ekki verði hægt að fara í fullt afnám hafta. Þetta segir for­sæt­is­ráð­herra, Bjarni Bene­dikts­son. Hann segir enga stefnu­breyt­ingu eða áherslu­breyt­ingu hafa orðið hvað þetta varðar við rík­is­stjórn­ar­skipt­i. 

Sig­mundur Davíð Gunn­laugs­son, þing­maður Fram­sókn­ar­flokks­ins og fyrr­ver­andi for­sæt­is­ráð­herra, spurði Bjarna um þetta í óund­ir­búnum fyr­ir­spurn­ar­tíma á Alþingi í dag. Sig­mundur tal­aði um fréttir síð­ustu daga, um að til standi að semja við kröfu­hafa sem ekki vildu taka þátt í útboði Seðla­bank­ans á síð­asta ári, um að hleypa þeim út úr land­inu með pen­inga sína. Það hefði verið grunn­for­senda útboðs­ins að allir væru með­vit­aðir um að þeir sem ekki tækju þátt í því myndu sitja eftir og fara aft­ast í röð­ina. „Er það stefnan að hverfa frá þess­ari ákvörð­un?“ spurði Sig­mundur Dav­íð. 

„Við ætlum ekki að fórna neinu til­ þess að gera þessum aðilum mögu­legt að kom­ast út úr land­inu með sínar eignir ef að það þýðir á ein­hvern hátt að eftir sitji allur almenn­ing­ur, fyr­ir­tækin í þessu landi, sveit­ar­stjórnir og aðr­ir, líf­eyr­is­sjóð­ir, í höftum með ein­hvern vanda. Um þetta hefur málið snú­ist allan tím­ann. Það hefur engin stefnu­breyt­ing orðið á því að það kemur ekki til greina að skapa ein­hverja lausn fyrir aflandskrónu­eig­endur sem ekki felur það um leið í sér að hægt verði að fara í fullt afnám hafta,“ sagði Bjarn­i. 

Sig­mundur Davíð spurði Bjarna einnig um þær breyt­ingar sem gerðar voru hjá nýrri rík­is­stjórn að færa mál­efni Seðla­bank­ans frá fjár­mála­ráðu­neyt­inu og til for­sæt­is­ráðu­neyt­is­ins. Hann vitn­aði í svar Bjarna við fyr­ir­spurn Kjarn­ans um mál­ið, þar sem fram kom að vegna sjálf­stæðis Seðla­bank­ans væri æski­legt að yfir­stjórn hans og sam­þykkt pen­inga- og geng­is­stefnu sé í öðru ráðu­neyti en því sem fer með fjár­mál rík­is­ins. Sig­mundur Davíð spurði hvenær Bjarni hefði upp­götvað þetta, hvort það hefði verið áður en hann tók við emb­ætti fjár­mála­ráð­herra eða á með­an, og hvaða hags­munir hefðu orðið ofan á hjá honum sjálfum þegar hags­muna­á­rekstrar hefðu komið upp. 

Bjarni svar­aði því til að þetta væru ein rökin fyrir því að færa mál­efni Seðla­bank­ans milli ráðu­neyta. Það væri vegna til­tölu­lega nýrrar laga­breyt­ing­ar, og meðal ann­ars vegna þess að Seðla­bank­inn geti við vissar aðstæður kallað eftir fram­lagi frá rík­inu. Bjarni seg­ist ætla að lyfta upp því hlut­verki for­sæt­is­ráðu­neyt­is­ins sem hafi með hag­stjórn almennt að gera, og ráða inn sér­fræð­inga í for­sæt­is­ráðu­neytið í þessu skyn­i.