Þing­menn stjórn­ar­and­stöð­unnar gagn­rýndu Bene­dikt Jóhann­es­son, fjár­mála- og efna­hags­ráð­herra harð­lega við upp­haf þing­fundar í dag. 

Ástæðan eru ummæli fjár­mála­ráð­herra í þætt­inum Bítið á Bylgj­unni í morg­un, þar sem hann ræddi um sam­göngu­á­ætl­un, og sagði meðal ann­ars að honum þætti það „nán­ast sið­laust“ af síð­asta Alþingi skapa rangar vænt­ingar fólks með því að sam­þykkja ófjár­magn­aða sam­göngu­á­ætl­un. „Í raun og veru var skandall­inn sá að menn skyldu sam­þykkja sam­göngu­á­ætlun án þess að sam­þykkja á sama tíma að tryggja fjár­mögn­un. Það er upp­runi vand­ans,“ sagði Bene­dikt meðal ann­ars. Hann sagði einnig „svo kemur þetta stjórn­lausa þing, þegar það var ekki starf­andi rík­is­stjórn með meiri­hluta, og þá ákveða menn að bæta í og setja á milli fjög­urra og fimm millj­arða króna og þar verða aftur mis­tök.“ 

Kol­beinn Ótt­ars­son Proppé, þing­maður VG, vakti fyrstur máls á orðum ráð­herr­ans undir liðnum störf þings­ins og sagð­ist ekki geta orða bund­ist vegna máls­ins. „Ég hef á þeim árum sem ég hef fylgst með Alþingi aldrei orðið vitni að slíkum dóna­skap gagn­vart þing­in­u,“ sagði Kol­beinn. Hann spurði hvað for­seti þings­ins ætl­aði að gera í því að ráð­herr­ann sýndi þing­inu „þessa fádæma­lausu óvirð­ing­u.“ 

Svan­dís Svav­ars­dótt­ir, þing­flokks­for­maður VG, tók undir með Kol­beini. Hún bað Unni Brá Kon­ráðs­dótt­ur, for­seta Alþingis um að ræða þetta orð­færi við ráð­herr­ann og sagði grafal­var­legt að svona væri talað um verk sem þing­inu hafi borið að vinna sam­kvæmt lög­um. Hún gerði einnig athuga­semdir við það að Bene­dikt hafi sagt að þingið hefði verið stjórn­laust eftir kosn­ing­ar, það væri alvar­legt orð­færi að tala um að Alþingi sé stjórn­laust þegar það sé rétt­kjörið undir stjórn for­seta sem það valdi sér og að afgreiða mál sem því beri að ger­a. 

Birgitta Jóns­dótt­ir, þing­maður Pírata, tók einnig undir með Kol­beini og Svandísi, og sagði þingið við­stöðu­laust upp­lifa van­virðu frá fram­kvæmda­vald­inu, þannig hefði það einnig verið á síð­asta kjör­tíma­bili. „Núna er það orðið þannig að það er ekki lengur hægt að sitja undir þessu ofríki fram­kvæmda­valds­ins. Mér finnst mjög brýnt að for­seti beiti sér fyrir því að ráð­herr­anum verði gert ljóst hvernig þrí­skipt­ing valds­ins fari fram.“ 

„Þetta er í annað skiptið sem að ráð­herrar í þess­ari rík­is­stjórn virð­ast ekki átta sig á því hver það er sem hefur völdin hér í sam­fé­lag­inu þegar kemur að þessum hlut­u­m,“ sagði Logi Ein­ars­son, for­maður Sam­fylk­ing­ar­inn­ar. Hann sagði að honum þætti fjár­mála­ráð­herra verða að koma fyrir þingið og gera grein fyrir orðum sín­um. Oddný Harð­ar­dótt­ir, þing­maður Sam­fylk­ing­ar­inn­ar, sagði ráð­herra vinna í umboði þings­ins. „Getur það verið að nýir ráð­herrar átti sig ekki á hlut­verki sínu? Það er mjög alvar­leg­t.“ Andrés Ingi Jóns­son, þing­maður VG, var svo sjötti stjórn­ar­and­stöðu­þing­mað­ur­inn sem ræddi við­talið við ráð­herrann, og sagði að þótt ráð­herr­ann hefði litla þing­reynslu hlyti hann, jafn reynslu­mik­ill og hann væri í öðrum störf­um, að geta borið smá virð­ingu fyrir þing­in­u.