Hækkun virðisaukaskatts á ferðaþjónustu sögð „reiðarslag“

Fundur á vegum Samtaka ferðaþjónustunnar ályktaði harðlega gegn fyrirhugaðri hækkun á virðisaukaskatti ferðaþjónustunnar.

Virðisaukaskattur á ferðaþjónustu verður færður í hærra þrep, í samræmi við stefnu stjórnvalda um að fækka undanþágum í kerfinu, segir ráðherra ferðamála.
Virðisaukaskattur á ferðaþjónustu verður færður í hærra þrep, í samræmi við stefnu stjórnvalda um að fækka undanþágum í kerfinu, segir ráðherra ferðamála.
Auglýsing

„Verði virð­is­auka­skattur á ferða­þjón­ustu tvö­fald­aður eins og for­ystu­menn rík­is­stjórn­ar­innar hafa boðað mun það hafa í för með sér grafal­var­legar afleið­ingar fyrir fyr­ir­tæki og starfs­fólk í ferða­þjón­ustu um land allt.“

Þannig hefst ályktun fund­ars Sam­taka ferða­þjón­ust­unnar frá því í gær­kvöldi, þar sem rætt var um fyr­ir­hug­aða hækkun á virð­is­auka­skatti á ferða­þjón­ustu­fyr­ir­tæki. 

Ákvörðun rík­is­stjórn­ar­innar um að færa ferða­þjón­ust­una í hærra virð­is­­auka­skatt­þrep er í fullu sam­ræmi við stefnu stjórn­­­valda um að fækka und­an­þágum í virð­is­­auka­skatt­­kerf­inu, seg­ir Þór­­dís Kol­brún R. Gylfa­dótt­ir, ráð­herra ferða­mála, í við­tali við Morg­un­blað­ið.

Auglýsing

Bene­dikt Jó­hann­es­­son, fjár­­­mála- og efna­hags­ráð­herra, mun í dag kynna fjár­­­mála­­á­ætl­­un rík­­is­ins sem fel­ur m.a. í sér breyt­ing­ar á virð­is­­auka­skatt­­kerf­inu.

Bjarni Bene­dikts­­son for­­sæt­is­ráð­herra greindi fyrst­ur frá áformun­um á árs­fundi Sam­­taka at­vinn­u­lífs­ins í gær en skömmu áður voru for­yst­u­­menn ferða­þjón­ust­unn­ar boð­aðir á fund Þór­­dís­ar Kol­brún­­ar og Bene­dikts og þeim gert grein fyr­ir fyr­ir­hugðum breyt­ing­­um. 

Fer ferða­þjón­ust­an úr 11 pró­­senta virð­is­­auka­skatt­þrepi upp í það hærra, sem nú er 24 pró­­sent en stend­ur til að lækka sam­hliða breyt­ing­unni niður í 22,5 pró­­sent.

Vöxt­ur­inn í ferða­þjón­ustu hefur verið ævin­týri lík­astur á und­an­förnum árum, en gert er ráð fyrir að 2,3 millj­ónir manna heim­sæki landið á þessu ári en í fyrra sóttu 1,8 millj­ónir ferða­manna landið heim.

Óhætt er að segja að þessum áformum stjórn­valda hafi verið kröft­ug­lega mót­mælt á fundi í gær­kvöldi, og sam­ráðs­leysi gagn­rýnt. Segir í ályktun fund­ar­ins að alvar­leg­astar verði afleið­ing­arnar á lands­byggð­inn­i. Mikil geng­is­styrk­ing og kostn­að­ar­hækk­anir stefna nú þegar afkomu fyr­ir­tækja í grein­inni í mikla hættu. Með boð­uðum skatta­hækk­unum rík­is­stjórn­ar­innar versnar sam­keppn­is­hæfni Íslands til mik­illa muna.

Ferða­þjón­ustan er grunn­stoð í íslensku atvinnu­lífi og með óyf­ir­veg­uðum aðgerðum rík­is­stjórn­ar­innar er vegið að fram­tíð­ar­mögu­leikum grein­ar­innar og íslensku efna­hags­lífi.

Ferða­þjón­usta er í eðli sínu alþjóð­leg atvinnu­grein. Íslensk ferða­þjón­ustu­fyr­ir­tæki starfa því á alþjóð­legum mark­aði og í sam­keppni við erlenda áfanga­staði þar sem ferða­þjón­ustan er almennt í lægri þrepum virð­is­auka­skatts­kerf­is­ins. Það hefur sýnt sig að þau lönd sem eru t.a.m. með gisti­staði í efri skatt­þrepum hafa lotið í lægra haldi í sam­keppni við aðra áfanga­staði. Til­lögur um hækkun á virð­is­auka­skatti vega þannig alvar­lega að sam­keppn­is­hæfni Íslands.

Þá lýsa Sam­tök ferða­þjón­ust­unnar yfir miklum von­brigðum með sam­ráðs­leysi stjórn­valda þegar kemur að eins umfangs­miklum breyt­ingum og fyr­ir­hug­aðar hækk­anir eru.

Fjöl­mennur félags­fundur Sam­taka ferða­þjón­ust­unnar skorar á rík­is­stjórn­ina að láta af áformum um hækkun virð­is­auka­skatts á íslenska ferða­þjón­ust­u,“ segir orð­rétt í ályktun fund­ar­ins.

Meira úr sama flokkiInnlent
None