Bene­dikt Jóhann­es­son fjár­mála­ráð­herra segir að svörin sem Fjár­mála­eft­ir­litið gaf honum varð­andi nýja eig­endur hluta­bréfa í Arion banka séu ekki full­nægj­andi. Það sé afar mik­il­vægt fyrir íslenskt sam­fé­lag að það komi skýr svör, því allir hugsi hvort það geti verið að ein­hver „lunda­flétta“ sé í gangi. Þar vísar ráð­herr­ann í aðferð­irnar við kaup á Bún­að­ar­bank­anum árið 2003, sem fjallað var um í nýrri skýrslu rann­sókn­ar­nefndar Alþing­is. 

Þetta kom fram í kvöld­fréttum RÚV. Líkt og greint var frá í kvöld sendi Bene­dikt ell­efu spurn­ingar á eft­ir­litið í mars og svar eft­ir­lits­ins var birt af fjár­mála­ráðu­neyt­in­u. 

Bene­dikt sagði á RÚV í kvöld að starfs­menn Fjár­mála­eft­ir­lits­ins séu greini­lega ekki komnir langt með að skoða þá sem keyptu hluta­bréfin í Arion banka. Aðeins komi fram að það séu dótt­ur­fé­lög til­greindra kaup­enda sem standi að kaup­unum líkt og komið hefur fram í fjöl­miðl­um. „Þannig að það er eig­in­lega ekk­ert nýtt þarna,“ sagði ráð­herr­ann. Ítrekað sé bara að ekki sé farin í gang skoðun vegna þess að litið sé svo á að 9,99 pró­senta hlutur sé ekki virkur eign­ar­hlut­ur, en hann stofn­ast við 10 pró­senta eign. 

„Ég held að það sé afar mik­il­vægt fyrir íslenskt sam­fé­lag að það komi skýr svör. Það er líka mik­il­vægt bæði fyrir þessa eig­endur og fyrir bank­ann að það sé ekki tor­tryggni í garð þess­ara aðili. Gæti það verið að þarna sé ein­hver lunda­flétta í gangi? Það hugsa allir þannig. Við eigum heimt­ingu á að vita það og verðum að skoða það strax,“ sagði Bene­dikt.

Hann geti hins vegar ekki gert mikið sem fjár­mála­ráð­herra. „Ég get ekki beitt mér öðru­vísi en að spyrja aftur og láta í ljósi þá ein­dregnu skoðun mína að íslenska þjóðin eigi rétt á að vita þetta.“