Don­ald J. Trump, Banda­ríkja­for­seti, boðar miklar skatta­lækk­an­ir, einkum fyrir fyr­ir­tæki, en áætlun þess efnis verður kynnt á næstu dög­um, sam­kvæmt yfir­lýs­ingum hans í við­tali við fjöl­miðla í gær. 

Í við­tali við AP-frétta­stof­una segir Trump að nýja skatta­lög­gjöfin feli í sér „mestu skatta­lækk­anir sög­unn­ar.“ Á meðal þess sem horft er til er að gera fyr­ir­tækjum kleift að forð­ast skatt­greiðslur með frek­ari fjár­fest­ingum og til­færslum í bók­haldi. Þá segir Trump að skattar verði einnig lækk­aðir á ein­stak­linga:

Nú þegar hefur fjár­laga­frum­varpið verið kynnt, en í því felst mik­ill nið­ur­skurður hjá flestum und­ir­stofn­unum rík­is­ins, en á móti verða fram­lög til hers­ins aukin um 10 pró­sent, sem nemur um 54 millj­örðum Banda­ríkja­dala, eða sem nemur um sex þús­und millj­örðum króna. Heilt yfir gera fjár­lögin ekki ráð fyrir miklum nið­ur­skurði.

Boð­aðar breyt­ingar á skatta­lög­gjöf­inni eru sagðar víð­tækar, og á eflaust eftir að ganga á ýmsu í Banda­ríkja­þingi þegar rætt verður um breyt­ing­arn­ar.

Steve Mnuchin, fjár­mála­ráð­herra, seg­ist vona að ný stefna í skatta­málum verði komin að fullu til fram­kvæmda á seinni hluta þessa árs eða í byrjun næsta árs.