Ill­ugi Gunn­ars­son verður gerður að stjórn­ar­for­manni Byggða­stof­unar á árs­fundi henn­ar  á morg­un, þriðju­dag. Það er Jón Gunn­ars­son, ráð­herra sam­göngu- og sveit­ar­stjórn­ar­mála, sem velur Ill­uga í starf­ið. Frá þessu er greint í Frétta­blað­inu í dag. Laun stjórn­ar­for­manns Byggða­stofn­unar voru 2,4 millj­ónir króna á árinu 2016.

Ill­ugi var mennta- og menn­ing­ar­mála­ráð­herra í síð­ustu rík­is­stjórn og áber­andi í for­ystu Sjálf­stæð­is­flokks­ins um ára­bil. Hann ákvað að bjóða sig ekki fram fyrir síð­ustu kosn­ing­ar, sem fóru fram haustið 2016. Ill­ugi starf­aði þó áfram sem ráð­herra á meðan að verið var að mynda rík­is­stjórn, sem tók mun lengri tíma en vana­lega. Því gengdi hann starfi mennta- og menn­ing­ar­mála­ráð­herra fram í jan­ú­ar­mán­uð, þegar ný rík­is­stjórn tók við. Ill­ugi er því enn á bið­launum sem ráð­herra.

Í mars var skipuð verk­efna­stjórn um end­ur­mat á pen­inga­stefn­u. Bjarni Bene­dikts­­son for­­sæt­is­ráð­herra skip­aði hana. Í henni sitja m.a. Ill­ugi. Auk hans eru sitja í nefnd­inni  hag­fræð­ing­­arnir Ásgeir Jóns­­son, efna­hags­ráð­gjafi Virð­ingar og dós­ent, og Ásdís Krist­jáns­dótt­ir, sem starfar hjá Sam­­tökum atvinn­u­lífs­ins. For­­sæt­is­ráðu­­neytið segir alla sem í hópnum sitja vera með „mennt­un, reynslu og þekk­ingu á pen­inga­­stefn­u­­málum sem nýt­­ast mun í starfi verk­efn­is­­stjór­­ar.“