Gengið hefur verið frá skipan nefndar til að móta til­lögur um hvernig tryggja megi sann­gjarna gjald­töku fyrir afnot af fisk­veiði­auð­lind­inni. For­maður nefnd­ar­innar er Þor­steinn Páls­son sem skip­aður er af Þor­gerði Katrínu Gunn­ars­dótt­ur, sjáv­ar­út­vegs- og land­bún­að­ar­ráð­herra. 



Þetta kemur fram í til­kynn­ingu frá ráðu­neyt­inu.

Þor­steinn gegndi emb­ætti sjáv­ar­út­vegs­ráð­herra í átta ár frá 1991-1999. Nefndin er að öðru leyti skipuð sam­kvæmt til­nefn­ingum allra stjórn­mála­flokka sem eiga full­trúa á Alþingi. Nefndin skal skila til­lögum sínum til ráð­herra í formi laga­frum­varps eigi síðar en 1. des­em­ber á þessu ári. „Í stefnu­yf­ir­lýs­ingu rík­is­stjórn­ar­innar er lögð áhersla á að unnið verði að mati á þeim kostum sem tækir eru til gjald­töku fyrir afnot sjáv­ar­auð­lind­ar­inn­ar, svo sem mark­aðsteng­ingu, sér­stöku afkomu­tengdu gjaldi eða öðrum leið­um, í því skyni m.a. að tryggja betur að gjald fyrir aðgang að sam­eig­in­legri auð­lind verði í eðli­legu hlut­falli við afrakstur veið­anna. Mark­miðið er að til­lögur nefnd­ar­innar geti orðið grund­völlur að þverpóli­tískri og víð­tækri sátt í sam­fé­lag­inu um sjáv­ar­út­veg­inn og þar með grunnur að auknum stöð­ug­leika í starfs­um­hverfi hans og tengdra greina til fram­tíð­ar,“ segir í til­kynn­ing­unni.

Eft­ir­taldir sitja í nefnd­inni:

·        Hanna Katrín Frið­riks­son - fyrir Við­reisn

·        Logi Ein­ars­son - fyrir Sam­fylk­ingu

·        Mörður Ing­ólfs­son - fyrir Pírata

·        Páll Páls­son - fyrir Fram­sókn­ar­flokk

·        Svan­dís Svav­ars­dóttir - fyrir VG

·        Teitur Björn Ein­ars­son - fyrir Sjálf­stæð­is­flokk

·        Theo­dóra S. Þor­steins­dóttir - fyrir Bjarta fram­tíð

·        Þor­steinn Páls­son, for­maður