Ef fjár­magna ætti stór­fram­kvæmd­ir í sam­göngu­málum út frá höf­uð­borg­ar­svæð­inu af vega­fé ­sem veitt er af fjár­lög­um, munu líða ára­tugir þar til þær sam­göngu­bæt­ur yrðu að veru­leika. Ef hins vegar sam­staða næst um gjald­töku gætu fram­kvæmd­ir haf­ist með skömm­um ­fyr­ir­vara eða strax á næsta ári, enda und­ir­bún­ingi sumra þeirra lokið eða hann langt kom­inn. 



Þetta segir Jón Gunn­ars­son, ráð­herra sam­göngu- og sveit­ar­stjórn­ar­mála, í svörum við skrif­legum fyr­ir­spurnum Frétta­blaðs­ins. Jón skip­aði starfs­hóp um miðjan febr­úar til að kanna hvernig umfangs­miklum fram­kvæmd­um við stofn­leiðir út frá­ höf­uð­borg­ar­svæð­inu verði best hátt­að. 

Jón segir í skrif­legu svari til Frétta­blaðs­ins, sem vitnað er til á for­síðu þess, að á þessu ári sé fjár­veit­ing til nýfram­kvæmda á öllu land­inu um ell­efu millj­arðar króna. Á sama tíma er starfs­hóp­ur­inn að vega og meta ­sam­göngu­bætur sem eru af stærð­argráðunn­i 100 millj­arðar króna. 

Hann segir jafn­framt að patt­staða geti myndast, og fram­kvæmdir taf­ist um ár og jafn­vel ára­tugi, ef ekki náist sam­staða um veggjöld.

Þær fram­kvæmdir sem horft er til er meðal ann­ars Sunda­braut, ný Hval­fjarð­ar­göng, tvö­földun eða 2+1 ­vegur upp í Borg­ar­nes, tvö­föld­un ­veg­ar­ins til Kefla­víkur og austur fyr­ir­ ­Sel­foss með nýrri brú á Ölf­usá, að því er fram kemur í Frétta­blað­inu. „Ég nefni 100 millj­arða með fyr­ir­vara, en nákvæm­ari kostn­að­ar­grein­ing er eitt þeirra verk­efna sem starfs­hóp­ur­inn […] er með á sinni könn­u. Þegar þetta er skoðað í sam­heng­i ­sést að þessar fram­kvæmdir mynd­u soga til sín álíka fjár­hæð og nífalt ­vegafé þessa árs. Þá er nokkuð aug­ljóst að það munu líða ára­tugir þar til við gætum séð áður­nefndar fram­kvæmd­ir verða að veru­leika,“ segir Jón.