Vilja auka lóðaframboð, forgangsraða fyrir vegakerfið og auka einkarekstur skóla

Áherslur Sjálfstæðisflokksins fyrir borgarstjórnarkosningarnar sem fara fram eftir ár liggja fyrir. Flokkurinn samþykkti þær á málefnaþingi um helgina. Hann vill hverfa frá „gæluverkefnum“ núverandi meirihluta. Kosningabarátta flokksins er hafin.

Halldór Halldórsson er oddviti Sjálfstæðismanna í Reykjavík sem stendur.
Halldór Halldórsson er oddviti Sjálfstæðismanna í Reykjavík sem stendur.
Auglýsing

Sjálf­stæð­is­menn vilja auka fram­boð á lóð­um, leggja niður bygg­inga­rétt­ar­gjald, for­gangs­raða í þágu við­halds og upp­bygg­ingar á vega­kerfi Reykja­víkur í stað gælu­verk­efna, fjölga val­kostum í rekstr­ar­formi skóla og lækka útsvar. Þetta eru megin álykt­anir sem sam­þykktar voru á mál­efna­þingi flokks­ins sem haldið var í Val­höll um helg­ina. Mál­þingið mark­aði upp­haf kosn­inga­bar­áttu Sjálf­stæð­is­flokks­ins fyrir borg­ar­stjórn­ar­kosn­ing­arnar sem fram fara 26. maí 2018, eða eftir rúmt ár.

Flokk­ur­inn hefur gengið í gegnum mikið hnign­un­ar­tíma­bil í borg­inni á und­an­förnum árum eftir að hafa oft verið með um og yfir 50 pró­sent fylgi þar ára­tugum sam­an. Í kosn­ing­unum 2010 fékk flokk­ur­inn 33 pró­sent og í síð­ustu kosn­ing­um, sem fram fóru 2014, fékk hann 25,7 pró­sent. Borg­ar­stjórn­ar­flokkur Sjálf­stæð­is­flokks­ins situr nú í minni­hluta í borg­ar­stjórn ásamt Fram­sókn og flug­vall­ar­vin­um. Hall­dór Hall­dórs­son var leiddi flokk­inn í gegnum síð­ustu kosn­ingar og er odd­viti hans í borg­ar­stjórn. Við­mæl­endur Kjarn­ans innan Sjálf­stæð­is­flokks­ins segja að mik­ill vilji sé til þess að bjóða fram nýja ein­stak­linga í for­ystu flokks­ins í kom­andi borg­ar­stjórn­ar­kosn­ing­um.

Sam­göng­ur, vega­kerfi og rekstr­ar­form skóla

Sam­kvæmt til­kynn­ingu sóttu um 250 manns mál­þing­ið. Ýmsir framá­menn í flokknum ávörp­uðu það. Þeir sem fluttu sér­stök ávörp voru Bjarni Bene­dikts­son, for­maður Sjálf­stæð­is­flokks­ins, Hall­dór Hall­dórs­son, odd­viti flokks­ins í Reykja­vík, Guð­laugur Þór Þórð­ar­son, utan­rík­is­ráð­herra, Gísli Kr. Björns­son, for­maður full­trúa­ráðs­ins Varð­ar, og Áslaug Arna Sig­ur­björns­dótt­ir, rit­ari flokks­ins.

Auglýsing



Unnið var að stefnu­mótun í sex mál­efna­nefndum og afrakstur hennar verður grund­völlur að stefnu flokks­ins í kom­andi kosn­ing­um. Skipu­lags­mál eru fyr­ir­ferða­mikil í þeirri stefnu. Í ályktun Sjálf­stæð­is­flokks­ins segir að skipu­lags­mál séu ekki kort og töl­ur, þau snú­ist um lífið sjálft. „Sjálf­stæð­is­menn vilja tryggja að ávallt sé nægj­an­legt fram­boð af lóðum til sölu og að bygg­ing­ar­rétt­ar­gjald verði fellt nið­ur. Þannig verði tryggt að lóðir í nýbygg­ing­ar­hverfum séu seldar á kostn­að­ar­verð­i.“

Þá segir flokk­ur­inn að fram­tíð­ar­bygg­ing­ar­land Reykja­víkur til norð­urs og aust­urs hafi ekki verið opnað með stofn­braut­um, sem hafi valdið umferð­artöfum og stuðlað að hækk­andi fast­eigna­verði. „Þá kemur fram að öryggi í umferð­ar­málum hafi vikið fyrir gælu­verk­efnum undir stjórn núver­andi meiri­hluta. Nauð­syn­legt sé að for­gangs­raða í þágu við­halds og upp­bygg­ingar á vega­kerfi höf­uð­borg­ar­innar með öryggi að leið­ar­ljósi.“

Í skóla­málum vilja Sjálf­stæð­is­menn „auka fjöl­breytni í skóla­starfi og fjölga val­kostum í náms­leiðum og rekstr­ar­formi skóla.“  Meta þurfi hvort skóli án aðgrein­ingar hafi skilað til­ætl­uðum árangri og hvaða áhrif sú stefna hafi haft á kenn­ara, nem­endur og for­eldra þeirra. „Áhersla verði færð frá mið­stýr­ingu í átt  að auknu sjálf­stæði og sveigj­an­leika í skóla­starfi. Þá er lagt til að fjár­magn til náms fylgi hverjum nem­anda og að stjórn­endur hafi svig­rúm til að stýra skólum sínum með ólíkum áhersl­um. Þannig verði fjöl­breytni í skóla­starfi aukin og val­kostum fjölg­að.“

Að venju leggur Sjálf­stæð­is­flokk­ur­inn til að útsvar, verði lækkað en það er nú eins hátt og leyfi­legt er í Reykja­vík. „Mark­mið til lengri tíma er sam­kvæmt ályktun þings­ins að útsvarið fari í lög­bundið lág­mark. Mik­il­vægt sé að sýna ráð­deild í rekstri borg­ar­innar og hverfa frá þeim lausa­tökum sem við­geng­ist hafa í tíð núver­andi meiri­hluta.“

Þá lýsir Sjálf­stæð­is­flokk­ur­inn sig andsnú­inn því að borg­ar­full­trúum verði fjölgað úr 15 í að minnsta kosti 23 við næstu sveit­ar­stjórn­ar­kosn­ing­ar.

Magnús Halldórsson
Þau leynast víða tækifærin
Kjarninn 15. febrúar 2019
Uppsveifla án fordæma en nú er komið að kólnun
Gylfi Zoega prófessor í hagfræði fjallar um stöðu mála í hagkerfinu og kjaraviðræðum í grein í Vísbendingu, sem kom til áskrifenda í dag.
Kjarninn 15. febrúar 2019
Vilja að hlutfall efnis verði lækkað svo Fréttablaðið teljist styrkhæft
Fréttablaðið uppfyllir ekki skilyrði fyrir endurgreiðslu á kostnaði við ritstjórn, samkvæmt „lauslegri“ talningu.
Kjarninn 15. febrúar 2019
Ummæli í Hlíðamálinu dæmd dauð og ómerk
Hér­aðs­dómur Reykja­víkur dæmdi í dag ummæli manns um Hlíðamálið svokallaða dauð og ómerk sem og ummæli sem birtust á netmiðlinum Hringbraut.
Kjarninn 15. febrúar 2019
Fjórðungur bankastarfsmanna með yfir milljón á mánuði
Bankastarfsmenn leggja mesta áherslu á styttingu vinnuviku í yfirstandandi kjarasamningum. Meðaltal heildarlauna þeirra eru 838 þúsund krónur á mánuði. Hjá Eflingu er launahækkun langmikilvægasta baráttumálið, enda meðallaun þar 479 þúsund.
Kjarninn 15. febrúar 2019
Halldór Benjamín Þorbergsson, framkvæmdastjóri SA.
Bjóða hækkun upp á 20.000 krónur á mánuði
Tilboð Samtaka atvinnulífsins til verkalýðsfélaganna hljóðar upp á að laun upp að 600.000 krónum hækki um 20.000 krónur á mánuði hvert ár samningsins.
Kjarninn 15. febrúar 2019
Snæbjörn Guðmundsson
Drangajökulsvíðerni og villtasta prósentið
Kjarninn 15. febrúar 2019
Tæknivarpið
Tæknivarpið
Tæknivarpið – Blizzard rekur 800 manns, Apple viðburður lekur og Amazon kaupir Eero
Kjarninn 15. febrúar 2019
Meira úr sama flokkiInnlent