Sig­mundur Davíð Gunn­laugs­son, fyrr­ver­andi for­maður Fram­sókn­ar­flokks­ins, hefur boðað stofnun Fram­fara­fé­lags­ins. Um er að ræða félag sem á að stuðla að fram­förum á öllum sviðum sam­fé­lags­ins og að því kemur fólk alls staðar að úr sam­fé­lag­inu. Hann vill ekki greina frá því hverjir aðrir komi að stofnun félags­ins en segir að það sé hópur Fram­sókn­ar­manna og fólks ann­ars staðar að. Fram­halds­stofn­fundur Fram­fara­fé­lags­ins verður klukkan 11 á laug­ar­dag í Rúg­brauðs­gerð­inni en félagið var stofnað á fæð­ing­ar­degi Jónasar frá Hriflu, þann 1. maí síð­ast­lið­inn. Frá þessu er greint á mbl.­is.

Sig­mundur Davíð segir að félagið sé nokk­urs konar blanda af hug­veitu og þjóð­mála­fé­lagi og að til­gangur þess sé að „skapa vett­vang fyr­ir frjálsa umræðu fyr­ir hin ýmsu sam­­fé­lags­­mál, þar sem hægt verður að koma á fram­­færi hug­­mynd­um og lausn­um við þeim vanda­­mál­um sem sam­­fé­lagið stend­ur frammi fyr­ir og hvernig við get­um nýtt sem best þau tæki­­færi sem okk­ur bjóð­ast.“ 

Þar segir Sig­mundur Davíð að hann sé alls ekki að stofna nýjan stjórn­mála­flokk en að hann von­ist til þess að stjórn­mála­flokkar geti nýtt sér það sem verður til á vett­vangi félags­ins. Sig­mundur Davíð von­ast sér­stak­lega til þess að Fram­sókn­ar­flokk­ur­inn geti nýtt sér það. Flokk­ur­inn sé lask­aður eftir innri átök síð­ustu mán­aða og ósætti og skortur á sam­stöðu standi í vegi fyrir því að flokk­ur­inn geti þró­ast áfram og „orðið að sterku hreyfi­afli í ís­­lensku sam­­fé­lag­i.“