Helgi Bergs, sem stýrði fjár­fest­inga­banka­starf­semi Kaup­þings frá London á árunum 2005 til 2008, hefur verið ráð­inn til að stýra starf­semi GAMMA í Sviss. Fyr­ir­tækið hefur hug á því að opna skrif­stofu þar síðar á þessu ári. Helgi mun einnig vinna í fyr­ir­tækja­ráð­gjöf GAMMA sem þjón­ustar við­skipta­vini fyr­ir­tæk­is­ins í Reykja­vík, London, New York og Svis­s. 

Í til­kynn­ingu frá GAMMA segir að Helgi hafi ára­tuga reynslu af alþjóð­legum fjár­mála­mörk­uð­um. Auk starfa sinna fyrir Kaup­þing hefur hann starfað hjá Iceland Seafood International. Und­an­farin ár hefur hann stýrt miðl­un­ar­starf­semi verð­bréfa­fyr­ir­tæk­is­ins Birwood í London.

Gísli Hauks­son, stjórn­ar­for­maður GAMMA, segir að það sé mikið ánægju­efni að fá reynslu­mik­inn mann á borð við Helga til að stýra starf­sem­inni í Sviss. „Með öfl­ugri fyr­ir­tækja­ráð­gjöf í fjórum löndum mun GAMMA nú geta boðið íslenskum fyr­ir­tækjum og fjár­festum upp á alhliða ráð­gjöf varð­andi erlend fyr­ir­tækja­verk­efni, erlenda fjár­mögnun og sam­skipti við erlenda fjár­festa.“