Pundið kostar nú 128 krónur en gengi krón­unnar hélt áfram að styrkj­ast í dag, en mest þó gagn­vart pund­inu, eða um 1,52 pró­sent. Ástæðan er meðal ann­ars rakin til póli­tísks titr­ings í Bret­landi, en nú stytt­ist í þing­kosn­ingar þar í landi og hafa nýj­ustu kann­anir sýnt að bilið milli Íhalds­flokks Ther­eseu May for­sæt­is­ráð­herra og James Cor­byn for­manns Verk­manna­flokks­ins í Bret­landi, er að minnka. Gengið verður til kosn­ingar 8. júní.



Sam­kvæmt könnun You­Gov er Íhalds­flokk­ur­inn með 43 pró­sent fylgi og Verka­manna­flokk­ur­inn 38 pró­sent. May freistar þess með kosn­ing­unum að fá betra umboð til þess að leiða landið í samn­inga­við­ræðum við Evr­ópu­sam­band­ið, vegna útgöngu Breta úr sam­band­in­u. 

Frá því almenn­ingur í Bret­landi sam­þykkti í þjóð­ar­at­kvæða­greiðslu í júní í fyrra, að Bret­land ætti að fara úr Evr­ópu­sam­band­inu, hefur gengi punds­ins fallið veru­lega gagn­vart helstu við­skipta­mynt­um. Breyt­ingin er sér­stak­lega mikil gagn­vart krón­unni, enda hefur gengi hennar verið að fara í þver­öf­uga átt, það er að styrkj­ast á móti helstu við­skipta­mynt­u­m. 



Fyrir einu og hálfu ári kost­aði pundið 206 krónur og breyt­ingin því mikil á skömmum tíma. Þetta hefur mikil áhrif á fjöl­mörg sjáv­ar­út­vegs­fyr­ir­tæki á Íslandi, þar sem stærsti ein­staki mark­aður íslenskra sjáv­ar­út­vegs­fyri­tækja með þorsk er í Bret­land­i. 



Gengi krón­unnar hefur styrkst tölu­vert á þessu ári gagn­vart helstu mynt­um, og er það áfram­hald á þróun sem var allt síð­asta ár. Banda­ríkja­dalur kostar nú 100 krónur en var á 140 krónur fyrir rúm­lega einu og hálfu ári. Evran kostar 112 krónur en var á 150 krónur fyrir rúm­lega einu og hálfu ári. 



Mikið gjald­eyr­is­inn­streymi vegna vaxtar í ferða­þjón­ustu er ein lyk­ilá­stæða þess að krónan hefur styrkst mik­ið, en einnig betri efna­hags­horfur og hratt batn­andi skulda­staða þjóð­ar­bús­ins.