Íslenskir gest­gjafar græða ­meira á Air­bnb en kollegar þeirra í öðrum lönd­um  eða að með­al­tali 16.500 doll­ara, sem  jafn­gild­ir  1,6 milljón króna, á ári á hverja  íbúð í mið­bæn­um. 



Þetta kemur fram í Frétta­blað­inu í dag, og er vitnað til rann­sóknar dr. Jer­oen A. Oskam, sem rann­sakað hefur þróun í ferða­þjón­ustu og stýrir und­ir­stofnun Stendan háskól­ans í Hollandi.

Heild­ar­tekjur reyk­vískra ­gest­gjafa voru 5,3 millj­arð­ar­ króna á síð­asta ári, að því er fram kemur í Frétta­blað­inu, en gróði þeirra sem leigja út í gegnum Air­bnb er sagður vera að með­al­tali um 350 þús­und krónum meiri á Íslandi en í vin­sælum hverfum í London. 

Gest­gjafar í Barcelona, sem hefur notið gríð­ar­lega mik­ils ferða­manna­straum­s um margra ára bil, græða um 8.600 doll­ara á ári, tæp­lega helm­ingi minna en íslenskir ­gest­gjaf­ar. „Það sem kemur mest á óvart varð- andi Reykja­vík er að miðað við hvað þetta er lítil borg þá er hlut­fall gesta ­sem nota Air­bnb í engu sam­ræmi við aðrar borg­ir. Árið 2015 var 1,1 millj­- ón Air­bn­b-­gesta í Am­ster­dam en á sama tíma voru Air­bn­b-­gestir um 200 þús­und í Reykja­vík. Reykja­vík­ er einn sjötti af stærð Amster­dam,“ ­segir Oskam í við­tali við Frétta­blað­ið. 

Oskam segir í við­tali við Frétta­blaðið að mik­ill vöxtur Air­bnb hafi nei­kvæðar hlið­ar­verk­anir á fast­eigna­mark­aði. „Þetta hefur nei­kvæð áhrif á hús­næð­is­mark­að­inn. Hús­næð­is­verð hækkar því leigj­endur eru í beinn­i ­sam­keppni við ferða­manna­straum­inn.“