Ótt­arr Proppé, heil­brigð­is­ráð­herra og for­maður Bjartrar fram­tíð­ar, seg­ist vera ánægður með rök­stuðn­ing Sig­ríðar Á. And­er­sen dóms­mála­ráð­herra fyrir því að víkja frá mati hæf­is­nefndar um skipun dóm­ara við Lands­rétt. Það sé ekki hlut­verk Alþingis eða alþing­is­menna að vera ný mats­nefnd eða taka ákvörðun um það hverja skuli skipa í Lands­rétt. 

„Ráð­herra ber ábyrgð á skipun í dóminn,“ sagði Ótt­arr. Það væri hlut­verk þing­manna að sam­þykkja eða hafna til­lögu ráð­herr­ans. Því væri það þeirra að ákveða hvort þeir séu sáttir við þann rök­stuðn­ing sem ráð­herra komi með fyrir stjórn­skip­un­ar- og eft­ir­lits­nefnd. Það sé hann. 

Ótt­arr nefndi sér­stak­lega kynja­sjón­ar­mið í ræðu sinni og sagði það fagn­að­ar­efni og gott vega­nesti að nú yrðu kynja­hlut­föll jöfn í dóm­stól. Það hafi verið honum áhyggju­efni þegar upp­haf­legi list­inn „lak út núna á vor­dög­um“ hvað það hafi hallað á kon­ur. „Ég hef tekið undir það með öðrum vítt og breitt úr hinu póli­tíska lands­lagi að það hafi verið alla­vega ástæða til að skoða það sér­stak­lega. Ég fagna því sér­stak­lega í til­lögu hæst­virts ráð­herra.“ 

Þá sagði Ótt­arr að það væri því miður ekki útlit fyrir að hægt væri að ná ein­hverri breiðri, póli­tískri sátt um mál­ið. Það sé nokkuð djúp­stæður ágrein­ingur um það. 

Hann sagð­ist taka undir meiri­hluta­á­lit stjórn­skip­un­ar- og eft­ir­lits­nefndar Alþing­is, en meiri­hlut­inn lagði til að til­laga Sig­ríðar yrði sam­þykkt. 

Greidd verða atkvæði um málið um klukkan 17 í dag.