Banda­ríkja­dalur kostar nú 97,2 krónur og hélt gengi krón­unnar áfram að styrkj­ast gagn­vart helstu við­skipta­myntum í dag, líkt og raunin hefur verið allt þetta ár. Raun­gengi krón­unn­ar, að teknu til­lit til verð­lags­þró­un­ar, er nú sterkara en það var árið 2007 og útlit fyrir að frek­ari styrk­ing sé í kort­un­um, þar sem mikið gjald­eyr­is­inn­streymi fylgir háanna­tíma í ferða­þjón­ust­unni, sem er á næstu þremur mán­uð­um.

Heild­ar­tekjur af þjón­ustu­út­flutn­ingi á fyrsta árs­fjórð­ungi 2017 voru, sam­kvæmt bráða­birgða­tölum Hag­stofu Íslands, 125,8 millj­arðar króna en útgjöld vegna inn­fluttrar þjón­ustu 82,8 millj­arð­ar. Þjón­ustu­jöfn­uður við útlönd var því jákvæður um 43,1 millj­arð króna en var jákvæður um 29,9 millj­arða á sama tíma árið 2016 á gengi hvors árs. Þarna munar mestu um vöxt í ferða­þjón­ustu.

Á hluta­bréfa­mörk­uðum í dag var tölu­verð rús­sí­ban­areið, en mark­aðsvirði allra félaga í kaup­höll­inni lækk­aði en mesta lækk­unin var á bréfum í Hög­um. Bréf félags­ins lækk­uðu um rúm­lega 3 pró­sent og mark­aðsvirði þessa stærsta smá­sölu­fyr­ir­tækis lands­ins - að und­an­skildu ris­anum Costco vita­skuld - 59,7 millj­arðar króna.

Gengi krón­unnar gagn­vart pund­inu hélt áfram að styrkjast, og kostar pundið nú 125 krón­ur, en fyrir tæp­lega ári síð­an, fyrir Brexit kosn­ing­una, þá kost­aði pundið 206 krón­ur. Mikil breyt­ing hefur því orðið á skömmum tíma. Þetta kemur sér illa fyrir íslenskan útflutn­ing, einkum sjáv­ar­út­vegs­fyr­ir­tæki, en Bret­land er stærsta ein­staka við­skipta­land okkar fyrir þorsk.