Lækna­fé­lag Íslands und­ir­rit­aði nýjan kjara­samn­ing við fjár­mála­ráðu­neytið fyrr í vik­unni, án þess að málið færi til rík­is­sátta­semj­ara. Frá þessu greindi RÚV í kvöld, en for­maður Lækna­fé­lags­ins segir í sam­tali við RÚV að nú séu uppi betri aðstæður til þess að semja en voru uppi áður. 

Kjara­deila lækna árið 2014 og fram á árið 2015 var hörð, og lauk henni ekki fyrr en eftir verk­fall og harðar deil­ur. Þá sömu læknar um meira en 20 pró­sent hækkun launa, en sá samn­ingur rann út í apríl á þessu ári.

Þor­björn Jóns­son for­maður Lækna­fé­lags Íslands, segir það skýr­ast af því að aðstæður hafi verið sér­stakar síð­ast. „Samn­ingar okkar höfðu verið lausir í mjög langan tíma og það hreyfð­ist ekki í við­ræð­un­um. Í öðru lagi höfðu launa­kjör lækna dreg­ist veru­lega aftur úr við­mið­un­ar­hópum árin á und­an,“ segir Þor­björn í sam­tali við RÚV.

Kjara­samn­ing­ur­inn hefur ekki verið kynntur læknum ennþá en félags­menn Lækna­fé­lags­ins hafa loka­orðið um hvort samn­ing­ur­inn taki gildi.