Íslenska hag­kerfið hefur aldrei skap­að ­jafn­mikil verð­mæti. Þannig er útlit ­fyrir að lands­fram­leiðsla á hvern lands­mann í ár verði um hálfri millj­ón króna meiri en hún var þenslu­árið 2007, á verð­lagi þessa árs. 

Þetta kemur fram í Morg­un­blað­inu í dag, en ítar­lega er þar fjallað um gang mála í hag­kerf­inu um þessar mund­ir.

Ráð­gjafa- og grein­ing­ar­fyr­ir­tækið Ana­lyt­ica áætlar að lands­fram­leiðslan verði um 7,6 millj­ónir á hvern lands­mann í ár. Það eru 30,4 millj­ón­ir á fjög­urra manna fjöl­skyldu, og tveimur millj­ónum meira en 2007, þegar . Vignir Jóns­son, hag­fræð­ingur hjá Ana­lyt­ica, segir í við­tali við Morg­un­blaðið mikla fjölgun ferða­manna lyk­il­þátt í þessum hag­vext­i. 

Árið 2010 komu ríf­lega 450 þús­und ferða­menn til lands­ins en gert er ráð fyrir að þeir verði 2,3 millj­ónir á þessu ári.

Ingólfur Bend­er, hag­fræð­ing­ur ­Sam­taka iðn­að­ar­ins, segir Ísland nú eitt þeirra ríkja Evr­ópu þar sem lands­fram­leiðsla á mann er mest. ­Vegna ofþenslu þurfi að flytja inn fólk. Hann seg­ist reikna með því að fast­eigna­verð muni halda áfram að hækka á næstu miss­er­um.

Ásgeir Jóns­son, for­seti hag­fræði­deildar Háskóla Íslands, segir að hag­kerfið standi nú brátt á kross­göt­um, segir um margt með ólík­indum hvað hafi tek­ist að auka verð­mæta­sköp­un­ina hratt, eftir efna­hags­hrun­ið.