Hópur fyrr­ver­andi starfs­manna Act­a­vis freistar þess nú að ganga frá kaupum á lyfja­verk­smiðju ­fyr­ir­tæk­is­ins í Hafn­ar­firð­i en eig­andi hennar er ísra­elska sam­heita­lyfja­fyr­ir­tæk­ið Teva. 

Talið er að ­kaup­verðið geti verið í kringum 15 millj­ónir evra, jafn­virði um 1.700 millj­óna íslenskra króna miðað við nú­ver­andi gengi, en vonir standa til­ að hægt verði að ganga frá kaup­un­um á allra næstu vik­um. 



Frá þessu er greint í Mark­aðn­um, fylgi­riti Frétta­blaðs­ins, í dag. „Á meðal þeirra sem leiða hóp­inn eru Stefán Jök­ull Sveins­son, fyrr­ver­and­i fram­kvæmda­stjóri þró­un­ar­sviðs Act­a­vis á heims­vísu, Torf­i Rafn Hall­dórs­son, eig­andi íslenska lyfja- og heil­brigð­is­vöru­fyr­ir­tæk­is­ins Willi­ams & Hall, Bolli Thorodd­sen, ­fyrr­ver­andi sér­fræð­ingur hjá Act­a­vis Group, og Sig­ur­geir Guð­laugs­son, ­fyrr­ver­andi fram­kvæmda­stjóri Novator Healt­hcare og Novator Partner­s, en hann stýrði jafn­framt sam­runa og yfir­tökum Act­a­vis á árun­um 2003 til 2006,“ segir í Mark­aðnum.

Á meðal fjár­festa ­sem leitað hefur verið til er Guð­björg Edda Egg­erts­dótt­ir, fyrr­ver­and­i ­for­stjóri Act­a­vis á Íslandi, að því er segir í Mark­aðn­um. Það er ­fyr­ir­tækja­ráð­gjöf Virð­ingar ásam­t er­lendum ráð­gjafa sem leiðir sölu­ferlið en form­legar við­ræður við fjár­festa­hóp­inn hófust fyrir um ­mán­uði. Við­skipta­Mogg­inn greind­i frá því þann 4. maí síð­ast­lið­inn að t­veir fjár­festa­hópar væru að bítast um að kaupa verk­smiðj­una.  

Lyfja­fyr­ir­tækið All­ergan, þáver­and­i ­móð­ur­fé­lag Act­a­vis á Ísland­i, til­kynnti í júní 2015 um þá ákvörðun að verk­smiðj­unni í Hafn­ar­firð­i yrði lokað og á fjórða hund­rað störf myndu tap­ast.