Ný stjórn Já  

Ný stjórn Já hf. var kjörin á aðal­fundi félags­ins sem hald­inn var þann 20. júní sl., í henni eru Einar Pálmi Sig­munds­son, stjórn­ar­for­mað­ur, Birna Ósk Ein­ars­dóttir og Kjartan Örn Ólafs­son. Þetta kemur fram í frétta­til­kynn­ingu Já hf.

Einar Pálmi og Kjartan örn hafa áður setið í stjórn Já, en Einar er fjár­fest­inga­stjóri hjá Virð­ingu hf. og Kjartan er fram­kvæmda­stjóri nýsköp­un­ar­fé­lags­ins Volta ehf. 

Birna Ósk Ein­ars­dóttir kemur hins vegar ný inn í stjórn fyr­ir­tæk­is­ins. Hún tók nýverið við sem fram­kvæmda­stjóri mark­aðs- og við­skipta­þró­un­ar­sviðs hjá Lands­virkjun en áður starf­aði hún hjá Sím­anum eða frá árinu 2002 og frá árinu 2014 sem fram­kvæmda­stjóri sölu og þjón­ustu­sviðs. Birna situr einnig í stjórn Skelj­ungs. Hún útskrif­að­ist frá HR árið 2008 með masters­gráðu í stjórnun og stefnu­mót­un. Birna er með BS gráðu í við­skipta­fræði frá Háskóla Íslands og AMP (Advanced Mana­gement Program) gráðu frá IESE Business School á Spáni.

„Það er ánægju­legt að fá Birnu Ósk Ein­ars­dóttur inn í stjórn Já en hún hefur mikla reynslu úr tækni­geir­an­um. Einar og Kjartan þekkja félagið mjög vel og hafa tekið þátt í umbreyt­ingum félags­ins að und­an­förnu yfir í að öfl­ugt upp­lýs­inga­fyr­ir­tæki sem byggir á góðum tækni­lausnum og fram­úr­skar­andi þjón­ust­u,“ segir Sig­ríður Mar­grét Odds­dótt­ir, for­stjóri Já, í frétta­til­kynn­ingu frá félag­inu.