Þor­steinn Víglunds­son, félags- og jafn­rétt­is­mála­ráð­herra afhenti í dag Snorra Olsen toll­stjóra jafn­launa­merk­ið. Merkið hugsað sem við­ur­kenn­ing um að fyr­ir­tækið hafi hlotið jafn­launa­vott­un.

„Þetta er mjög stór dagur í mínum huga og ástæða til að fagna þeim áfanga sem hér hefur náðst í bar­átt­unni fyrir launa­jafn­rétti kynja. Ég er sann­færður um að inn­leið­ing jafn­launa­vott­unar verði þungt lóð á vog­ar­skálar launa­jafn­rétt­is­ins til lengri tíma lit­ið“ sagði Þor­steinn Víglunds­son félags- og jafn­rétt­is­mála­ráð­herra þegar hann afhenti Snorra Olsen jafn­launa­merkið í vel­ferð­ar­ráðu­neyt­inu í dag.

„Þótt inn­leið­ing jafn­launa­stað­als­ins hjá emb­ætt­inu hafi kostað tíma og fyr­ir­höfn hefur það verið vel þess virði. Þessi vinna hefur veitt okkur betri yfir­sýn yfir launa­upp­bygg­ing­una, hún dregur fram hvað betur má fara og vott­unin á eftir að hjálpa okkur við að laða að gott starfs­fólk vegna þeirrar við­ur­kenn­ingar sem hún felur í sér“ sagði Snorri Olsen toll­stjóri þegar hann tók við jafn­launa­merk­inu ásamt Unni Ýr Krist­jáns­dótt­ur, for­stöðu­manni mannauðsviðs emb­ætt­is­ins.

Mark­mið jafn­launa­merk­is­ins er að vera gæða­stimp­ill fyr­ir­tækja og stofn­ana sem hlotið hafa jafn­launa­vott­un. Þannig stað­festi merkið að atvinnu­rek­endur hafi komið sér upp ferli sem tryggir að máls­með­ferð og ákvarð­anir í launa­málum feli ekki í sér nokk­urs konar mis­mun­un, hvort sem það er vegna kyns eða af öðrum toga.