Verð­lag á mat­vöru hefur lækkað um 3,5% á síð­ustu 12 mán­uð­um, sam­kvæmt reikn­ing­um Arion banka. Þetta eru fyrstu verð­bólgu­tölur eftir að Costco kom á mark­að.

Í nýjum Mark­aðs­punkti grein­ing­ar­deild­ar Arion banka kemur fram að vísi­tala neyslu­verðs hafi staðið í stað í júní. Með engri verð­lags­breyt­ingu hafi árs­verð­bólgan því lækkað úr 1,7% niður í 1,5%.

Líkt og und­an­farna mán­uði vegur hús­næð­islið­ur­inn þyngst í vísi­tölu neyslu­verðs, en ef litið er fram hjá honum mælist verð­breyt­ingin um -3,1%.

Áhrifa­mest var hækkun á húsa­leigu, en verð á hót­elgist­ingu, veit­inga­stöðum og flugi til útlanda hækk­aði einnig. Enn frekar hækk­aði verð á fötum og skóm, eins og venjan hefur fyrir sum­ar­út­sölu und­an­farin ár.Á móti vó hins vegar vísi­tala á mat­ar- og drykkj­ar­vöru, en hún lækk­aði um 1,2% milli mán­aða og um 3,5% á liðnum 12 mán­uð­um. Aðrar vörur sem lækkað hafa lít­il­lega í verði voru hús­gögn, heim­il­is­bún­aður og elds­neyti. Þetta eru fyrstu verð­bólgu­tölur eftir að Costco opn­aði, en sam­kvæmt grein­ing­ar­deild Arion virð­ast áhrif opn­un­ar­innar á smá­sölu­mark­að­inn vera ljós.