Stjórn Íslenskra verð­bréfa og Sig­þór Jóns­son hafa kom­ist að sam­komu­lagi um að Sig­þór láti af störfum sem fram­kvæmda­stjóri félags­ins.

Þetta kemur fram í til­kynn­ingu frá Íslenskum verð­bréf­um.

Sig­þór tók við starfi fram­kvæmda­stjóra í febr­úar 2015 og leiddi í kjöl­farið nýja fjár­festa að félag­inu og hefur ásamt þeim unnið ötul­lega að upp­bygg­ingu félags­ins sam­hliða því að stýra þörfum breyt­ingum á félag­inu.  

Á þessum umbreyt­inga­tíma hefur fyr­ir­tækið mark­visst skotið fleiri stoðum undir rekstur sinn. Nægir þar að nefna aukna áherslu á sér­hæfðar fjár­fest­ingar en Íslensk verð­bréf hafa að und­an­förnu komið að nokkrum stórum verk­efnum á því sviði. Í því sam­bandi má nefna nýja fram­taks­sjóði og ráð­gjöf sem fyr­ir­tækið veitti banda­ríska eigna­stýr­ing­ar­fyri­tæk­inu Pt Capi­tal Advis­ors vegna kaupa þeirra á fjar­skipta­fyr­ir­tæk­inu Nova. Á sama hátt hefur aukin áhersla verið lögð á miðlun verð­bréfa og hafa Mark­aðsvið­skipti Íslenskra verð­bréfa aukið hlut­deild sína jafnt og þétt að und­an­förnu. Sem fyrr leggja Íslensk verð­bréf mikla áherslu á eigna­stýr­ingu fyrir fag­fjár­festa og ein­stak­linga sem og rekstur sjóða innan ÍV sjóða hf. en þar hefur fram­boð sjóða auk­ist tals­vert. Félagið er nú með um 125 millj­arða króna í virkri stýr­ingu fyrir við­skipta­vini sína.

Þær breyt­ingar sem Sig­þór hefur leitt að und­an­förnu treysta Íslensk verð­bréf  enn frekar sem  al­hliða verð­bréfa­fyr­ir­tæki, það eina á land­inu sem hefur höf­uð­stöðvar sínar utan höf­uð­borg­ar­svæð­is­ins.

Haft er eftir Sig­þóri að það hafi verið for­rétt­indi að vinna fyrir ÍV. „Það hafa verið for­rétt­indi að fá að taka þátt í þeim breyt­ingum sem Íslensk verð­bréf hafa farið í gegnum með því góða fólki sem starfar hjá félag­inu og ekki síst fyrir mig og fjöl­skyld­una að kynn­ast hinu góða sam­fé­lagi á Akur­eyri. Góður árangur hefur náðst með hæfum hópi starfs­manna og fram­tíð félags­ins er björt. Ég vil þakka frá­bæru starfs­fólki, stjórn, hlut­höfum og ekki síst við­skipta­vinum inn­an­an­lands sem erlendis fyrir sam­starfið og óska þeim alls hins besta í fram­tíð­inn­i.“

Stjórn Íslenskra verð­bréfa þakkar Sig­þóri fyrir vel unnin störf í þágu félags­ins, að því er segir í til­kynn­ingu. „Stjórnin og Sig­þór hafa átt ánægju­legt sam­starf í gegnum þessar breyt­ingar á fyr­ir­tæk­inu og metur stjórnin frum­kvæði hans og áræðni við stjórnun félags­ins á und­an­förnum árum.“

Í stjórn ÍV eru auk Eiríks, Anna Guð­munds­dótt­ir, Harpa Sam­ú­els­dótt­ir, Chris Van Aeken og Stein­grímur Pét­us­son.