Hall­dór Benja­mín Þor­bergs­son, fram­kvæmda­stjóri SA, gagn­rýnir til­lögur Alþjóða­gjald­eyr­is­sjóðs­ins um efl­ingu Fjár­mála­eft­ir­lits­ins á Íslandi og segir hann þar vera á villi­göt­um. Hins vegar tekur hann und­ir­ ráð­legg­ing­ar ­sjóðs­ins um aflétt­ingu inn­flæð­is­hafta. 

Í leið­ara frétta­bréfs­ins Af vett­vangi gerir Hall­dór Benja­mín athuga­semd við nýja skýrslu Alþjóða­gjald­eyr­is­sjóðs­ins um stöðu efna­hags­mála á Íslandi. Í því til­liti nefnir hann til­lögu sjóðs­ins um að efla Fjár­mála­eft­ir­litið og auka reglu­byrði og eft­ir­lit.

Að því loknu telur Hall­dór Benja­mín upp nokkrar ástæður hvers vegna hann telur sjóð­ur­inn vera á villi­göt­um. Ein þeirra er sú að vald­heim­ildir Fjár­mála­eft­ir­lits­ins hafi nú þegar verið aukn­ar i sam­ræmi við breyt­ingar á evr­ópskri lög­gjöf á síð­ustu árum. Önnur ástæðan er stærð Fjár­mála­eft­ir­lits­ins, en hún er mikil í alþjóð­legum sam­an­burði, hvort sem litið er til fjölda starfs­manna, kostn­aðar eða ann­arra mæli­kvarða. Þriðja ástæðan er sú að kostn­aður við eft­ir­lit lendir á við­skipta­vinum banka og ann­arra fjár­mála­stofn­ana. 

Þá seg­ist Hall­dór vona að stjórn­völd taki ofan­greinda þætti til skoð­unar áður en farið verði af stað með frekara eft­ir­lit í takt við órök­studd til­mæli AGS. 

Auglýsing

Auglýsing

Engin inn­flæð­is­höft

Hins vegar vill Hall­dór Benja­mín meina að athuga­semdir sjóðs­ins varð­andi inn­flæð­is­höft Seðla­bank­ans vera allrar athygli verð­ar. Hann gagn­rýnir nýjar reglur bank­ans um hert inn­flæð­is­höft og segir þær vera ótækur vitn­is­burður þess að stjórn­endur hans séu á fleygi­ferð í ranga átt.

Í skýrslu sinni tekur AGS fram að það hafi verið mis­ráðið að koma á inn­flæð­is­höftum og segir varla nokkur rök vera fyr­ir­ því að við­halda þeim sam­hliða lækk­andi vöxtum hér­lendis og hækk­andi vöxtum erlend­is. 

­Sjóð­ur­inn segir vís­bend­ingar vera þess efnis að fjár­magnsinn­flæði hafi í auknum mæli farið inn á hluta­bréfa­mark­að­inn í stað skulda­bréfa, en fjár­fest­ingar í hluta­bréfum eru und­an­skilin höft­un­um. Kjarn­inn hefur áður fjallað um auk­inn hlut aflandskrónu­eig­enda í skráðum fyr­ir­tækjum í Kaup­höll­inni, en þeir hafa sótt í sig veðrið á síð­ustu mán­uð­u­m. 

Í loka­orðum leið­ar­ans segir Hall­dór: „Það er leikur einn að ganga of langt. Raun­veru­leg list er fólgin er fólgin í því að ganga nægj­an­lega langt. Þar eru Fjár­mála­eft­ir­litið og Seðla­banki Íslands ekki und­an­skil­in.“