Þor­steinn Víglunds­son, félags- og hús­næð­is­mála­ráð­herra, segir ný lög um skatt­frjálsan sér­eigna­sparnað til fyrstu íbúða­kaupa gagn­ast milli­tekju­hópum álíka vel og tekju­hærri hópum á Face­book- síðu sinni í dag. 

Um mán­að­ar­mótin tóku í gildi ný lög þar sem ein­stak­lingum er heim­ilt að nota 500 þús­und krónur af sér­eigna­sparn­aði sínum skatt­frjálst til kaupa á fyrstu íbúð, árlega í allt að tíu ár. 

Á blaða­manna­fundi Íbúða­lána­sjóðs var fjallað um nýju lög­gjöf­ina og hún sögð gagn­ast best tekju­háum ein­stak­ling­um. Greint er frá þessu á vef Vís­is, en þar segir Una Jóns­dótt­ir, hag­fræð­ingur hjá Íbúða­lána­sjóði, úrræðið vera tekju­tengt og að ein­stak­lingur þurfi að hafa um 690 þús­und krónur á mán­uði í laun til að full­nýta úrræð­ið.

Í stöðu­upp­færslu á Face­book-­síðu sinni svarar Þor­steinn gagn­rýni íbúða­lána­sjóðs um að verið sé að hygla hátekju­hóp­um. Þor­steinn segir með­al­laun ein­stak­lings árið 2015 nema um 612 þús­und krónum á mán­uði, en búist er við því að með­al­laun árs­ins 2017 verði um 719 þús­und krónur sé tekið mið af launa­þró­un. Miðað við þró­un­ina segir Þor­steinn úrræðið gagn­ast milli­tekju­hópum álíka vel og tekju­hærri hóp­um.

Enn fremur bendir hann á að með úrræð­inu sé verið að auð­velda öllum tekju­hópum fjár­fest­ingu í hús­næði og að önnur úrræði komi sér­stak­lega til hjálpar lág- og milli­tekju­hóp­um.