Alþjóð­legu sam­tök­in Oxfam gáfu út skýrslu fyrr í dag þar sem löndum var raðað eftir aðgerðum þeirra gegn ójöfn­uði. Á þeim lista er Ísland í 12. sæt­i, langneðst allra Norð­ur­landa. 

Í frétt Guar­dian kemur fram að vinna að skýrslu Oxfam hafi tekið ár, en mark­mið hennar er að raða löndum eftir því hversu mikið þau leggja sig fram við að draga úr ójöfn­uði. Rann­sóknin nær til 152 landa og og skoðar 18 atriði yfir þrjá mála­flokka. Fyrsti flokk­ur­inn metur útgjöld til vel­ferð­ar­mála, sér­stak­lega heil­brigð­is- og mennta­mála, en þar er Ísland í 24. sæti. Annar flokk­ur­inn mælir upp­bygg­ingu skatt­kerf­is­ins og á hverjum skatt­byrðin lend­ir, en þar lendum við í 27. sæti. Ísland stendur sig best í þriðja mála­flokknum sem mælir vinnu­mark­aðslög­gjöf gegn ójöfn­uði, en þar vermum við sjö­unda sæt­ið. 

Þótt Ísland sé ofar­lega á list­anum er það langneðst allra Norð­ur­landa, sem verma fjögur af sex efstu sæt­un­um. Mun­ur­inn á Íslandi og hinum Norð­ur­lönd­unum er mestur í upp­bygg­ingu skatt­kerf­is­ins en minnstur í vinnu­mark­aðslög­gjöf. 

Oxfam International er banda­lag 13 sam­taka í yfir 100 lönd­um, en mark­mið þeirra er að vinna gegn fátækt og órétt­læti víða um heim.

Á list­anum hér að neðan má sjá efstu tólf löndin á list­an­um. Þar að auki er sæti hvers lands gefið í hverjum mála­flokki. 

Efstu tólf löndin á lista Oxfam