Verð­mæti vöru­út­flutn­ings á fyrri árs­helm­ingi 2017 var það lægsta frá því á fyrri árs­helm­ingi 2008, ef miðað er við vöru­skipti eftir árs­helm­ing­um. Þetta kemur fram í tölum sem birt­ust á vef Hag­stofu í dag.

Minni fisk­ur, meiri land­bún­aður

Vöru­út­flutn­ingur á fyrri árs­helm­ingi árs­ins var um 244 millj­arðar króna á gengi þessa árs, en það er 11% lækkun frá því á fyrri árs­helm­ingi 2016. Stærsti þáttur lækk­un­ar­innar er vegna sjáv­ar­af­urða, en verð­mæti þeirra dróst saman um 21,9% á meðan verð­mæti land­bún­að­ar­vara jókst um 24,8%. Útflutn­ingur iðn­að­ar­vara hélst nokkuð stöðug á tíma­bil­inu, en verð­mæti hans dróst saman um 3,1%.

Minni neysla 

Vöru­inn­flutn­ingur frá jan­úar til júní síð­ast­lið­inn nam 325 millj­örð­um, en það er 4% lækkun frá því á sama tíma­bili í fyrra. Stærsti þáttur lækk­un­ar­innar er vegna færri aðkeyptra flug­véla, en einnig hefur verð­mæti neyslu­vara dreg­ist saman um 9,4% frá því í fyrra. Á móti jókst inn­flutn­ingur á skip­um, elds­neyti, fólks­bílum og hrá-og rekstr­ar­vör­u­m. 

Minnst frá hruni

Athygli vekur að ef litið er á árs­helm­ings­tölur vöru­við­skipta sést að verð­mæti vöru­út­flutn­ings hefur ekki verið minna síðan á seinni hluta árs­ins 2008, ef miðað er við gengi hvers árs. Inn­flutn­ingur er einnig í hæstu hæðum og þannig hefur vöru­skipta­halli heldur ekki verið meiri í þess­ari hag­sveiflu. Á mynd hér að ofan má sjá þróun vöru­við­skipta við útlönd frá árinu 2008.