Jákvæðni gagn­vart erlendum ferða­mönnum ferð minnk­andi milli ára, en á tveimur árum hefur hlut­fall jákvæðra lækkað um fimmt­ung og hlut­fall nei­kvæðra hækkað um þriðj­ung. Þetta kemur fram í nýbirtri könnun MMR. 

Sam­kvæmt MMR voru 64,1% svar­enda jákvæðir gagn­vart erlendum ferða­mönn­um, á meðan 10,4% voru nei­kvæðir gagn­vart þeim og 25,5% þeirra voru hvorki nei­kvæðir né jákvæð­ir.  Hlut­fall jákvæðra hefur farið lækk­andi á síð­ustu tveimur árum sam­hliða hærra hlut­falli nei­kvæðra, en árið 2015 var við­horf 80% Íslend­inga jákvætt gagn­vart erlendum ferða­mönnum á meðan 7,5% voru nei­kvæðir gagn­vart þeim. Nið­ur­stöð­urnar má sjá á mynd hér að neð­an:

Frjáls­lyndir jákvæð­ari

Mik­ill munur var á við­horfi gagn­vart ferða­mönnum eftir stjórn­mála­skoð­un­um, en stuðn­ings­menn Sam­fylk­ing­ar­inn­ar, Bjartrar fram­tíð­ar, Pírata og Við­reisnar mæld­ust jákvæð­astir í garð ferða­mann­anna. Hlut­fall já­kvæðra var minna meðal stuðn­ings­manna Vinstri grænna, Sjálf­stæð­is­flokks­ins og Fram­sókn­ar­flokks­ins, en aðeins 47,6% Fram­sókn­ar­manna sögð­ust jákvæðir gagn­vart erlendum ferða­mönn­um. Munur sást líka eftir búsetu, en við­horf höf­uð­borg­ar­búa var jákvæð­ara en þeirra sem búa utan höf­uð­borg­ar­svæð­is­ins.

Lít­ill munur var á ald­urs­flokk­um, en nokkuð sterk jákvæð fylgni var milli heim­il­is­tekna og jákvæðs við­horfs gagn­vart ferða­mönn­um. Einnig var munur milli kynja, en við­horf karla gagn­vart erlendum ferða­mönnum var lík­legra til að vera jákvætt en kvenna. 

Spurt var: „Al­mennt séð, hversu jákvæð(ur) eða nei­kvæð(ur) ert þú gagn­vart erlendum ferða­mönnum á Ísland­i?“ Alls svör­uðu 909 ein­stak­lingar könn­un­inni, en þeir voru allir valdir með slembivali úr hópi álits­gjafa MMR.