Sarah Pal­in, fyrr­ver­andi rík­is­stjóri Ala­ska, for­dæmir stefnu Íslands gagn­vart skimun og þung­un­ar­rofi fóstra með Downs-heil­kenni. Palin segir aðferð­ina ranga og ill­gjarna og líkir henni við Þýska­landi nas­ism­ans. Þetta kemur fram í frétt á Fox News í dag.

„Að reyna að murka út líf í nafni þess að skapa full­komin kyn­þátt… til­heyrir Þýska­landi nas­ism­ans,“ sagði Palin í sam­tali við stöð­ina, en níu ára sonur henn­ar, Tig, er með Downs-heil­kenni.

Við­tal við Palin má sjá í mynd­bandi hér að neð­an, en í því spyr frétta­maður Fox News Palin um við­brögð hennar við því að Ísland sé að „draga úr“ börnum eins og hennar í sam­fé­lag­inu.

Ummæli Palin eru vegna umfjöll­unar CBS um háa tíðni fóst­ur­eyð­inga vegna Downs-heil­kennis-­grein­ingar í móð­ur­kviði. Sam­kvæmt umfjöll­un­inni er nær 100% fóstra eytt sem grein­ast með heil­kennið hér á landi. Hlut­fallið er svipað í Dan­mörku og Bret­landi en mun lægra í Banda­ríkj­unum þar sem ein­ungis 67% fóstra er eytt í kjöl­far grein­ing­ar.

Lífið er grátt

í umfjöllun CBS er rætt við Kára Stef­áns­son, for­stjóra Íslenskrar erfða­grein­ing­ar, en hann seg­ist vera efins um ágæti fóst­ur­eyð­inga vegna Downs-heil­kennis-­grein­ing­ar. „Mér finnst ekk­ert að því að sækj­ast eftir því að eiga heil­brigð börn, en hversu langt við ættum að ganga í þá átt er flókin ákvörð­un.“

Einnig var tekið við­tal við Helgu Sól Ólafs­dótt­ur, félags­ráð­gjafa við Land­spít­al­ann og lektor við Háskóla Íslands. Helga bendir á rétt kvenna yfir eigin fram­tíð og segir Íslend­inga ekki líta á fóst­ur­eyð­ingu sem morð. „[með fóst­ur­eyð­ing­u]…endum við mögu­legt líf sem gæti haft mikla erf­ið­leika í för með sér­…og komum í veg fyrir þján­ingu barns og fjöl­skyld­unn­ar. Og mér finnst sú nálgun vera rétt­ari en að líta á þetta sem morð, það er svo afdrátt­ar­laust. Lífið er ekki svart eða hvítt, lífið er grátt.“