Lilja Dögg Alfreðs­dótt­ir, þing­maður Fram­sókn­ar­flokks­ins og vara­for­maður hans, gagn­rýnir skipan á starfs­hópi sem falið hefur verið að end­ur­skoða lög um opin­bert eft­ir­lit með fjár­mála­starf­semi, lög um greiðslu kostn­aðar við opin­bert eft­ir­lit með fjár­mála­starf­semi auk ákvæða ann­arra laga um fjár­mála­mark­aði eða fjár­mála­fyr­ir­tæki, ef þau tengj­ast eft­ir­liti með mark­aðn­um.

Lilja segir á Face­book síðu sinni, að skipan hóps­ins sé ekki til þess fallin að breyta, bæta eða hag­ræða á svæði eft­ir­lits með fjár­mála­kerf­inu. „Fjár­mála- og efna­hags­ráð­herra virð­ist vera dug­legur að lesa nýlegt efni frá mér og í dag skip­aði hann starfs­hóp um end­ur­skoðun laga vegna opin­bers eft­ir­lits með fjár­mála­starf­sem­i. Það er gott og vel en það vekur hins vegar furðu að hóp­ur­inn er ein­göngu skip­aður full­trúum fjár­mála- og efna­hags­ráðu­neytisins, fyrir utan for­mann­inn. Til að árangur og umbætur náist í svona mik­il­væg­ari vinnu, þarf víð­tæka sam­vinnu og sam­ráð til að sam­staða sé um þær breyt­ing­ar. Það er ljóst af þeim þröngu tíma­mörkum sem hópnum er ætlað að lít­ill vilji er hjá ráð­herra að breyta, bæta og hag­ræða á þessu svið­i,“ segir Lilja á Face­book síðu sinn­i. 

Mark­miðið með starfi hóps­ins er að hlut­verk, staða og verk­efni Fjár­mála­eft­ir­lits­ins verði sett fram með skýr­ari hætti í lögum en nú er líkt og kveðið er á um í fjár­mála­á­ætlun fyrir 2018-2022, segir í til­kynn­ingu frá fjár­mála- og efna­hags­ráðu­neyt­inu.

Er starfs­hópnum meðal ann­ars falið að skoða sér­stak­lega nið­ur­stöður sendi­nefndar Alþjóða­gjald­eyr­is­sjóðs­ins (AGS) frá í vor þar sem fjallað er um nauð­syn þess að efla eft­ir­lit á fjár­mála­mark­aði hér á landi og að skipu­lag eft­ir­lits mark­að­ar­ins verði tekið tekið gagn­gerrar end­ur­skoð­un­ar. AGS gagn­rýndi FME harð­lega í umsögn sinni, og sagði að nauð­syn­legt væri að styrkja eft­ir­lit með fjár­mála­kerf­inu á Ísland­i. 

Starfs­hópnum er falið að vinna drög að laga­frum­varpi, ásamt skila­grein, og leggja fyrir ráð­herra eigi síðar en 15. des­em­ber næst­kom­andi.

Starfs­hóp­inn skipa Jóhannes Karl Sveins­son hrl., for­mað­ur, Guð­björg Eva Bald­urs­dótt­ir, lög­fræð­ingur í fjár­mála- og efna­hags­ráðu­neyt­i, Har­aldur Stein­þórs­son, lög­fræð­ingur í fjár­mála- og efna­hags­ráðu­neyt­i, Leifur Arn­kell Skarp­héð­ins­son, lög­fræð­ingur í fjár­mála- og efna­hags­ráðu­neyti, og Tinna Finn­boga­dótt­ir, hag­fræð­ingur í fjár­mála- og efna­hags­ráðu­neyt­i. Erind­is­bréf starfs­hóps­ins má lesa hér. 

Lilja segir enn fremur að mik­il­vægt sé að sam­ræma og sam­eina eft­ir­lit á einum stað, til að auka yfir­sýn og skerpa á eft­ir­lits­hlut­verk­inu. „Í þess­ari end­ur­skoðun á lögum um opin­bert eft­ir­lit með fjár­mála­starf­semi á að líta til þess að sam­eina eft­ir­lit með fjár­mála­stofn­un­um. Veiga­mikil rök hníga í þá átt. Í fyrsta lagi mun það auka heild­ar­sýn á helstu áhættu­þætti fjár­mála­kerf­is­ins að sam­eina krafta Fjár­mála­eft­ir­lits og Seðla­banka Íslands. Í öðru lagi með því að sam­eina eft­ir­lit með lausa­fjár­stöðu við­skipta­banka og eig­in­fjár­stöðu þeirra, þá verður fram­kvæmd fjár­mála­eft­ir­lits skýr­ari og auð­veld­ara fyrir lán­veit­anda til þrauta­vara að bregð­ast við með skil­virk­ari hætti. Í þriðja lagi mun takast betur að við­halda pen­inga­legum og fjár­mála­legum stöð­ug­leika í hag­kerf­inu með því að stýri­tæki þjóð­hags­var­úð­ar­stefnu séu hjá einum aðila. Í fjórða lagi, þá mun mannauður nýt­ast betur og upp­lýs­inga­skipti verða greið­ari með þessu fyr­ir­komu­lagi. Þekk­ing­ar­grunnur sam­ein­aðs eft­ir­lits verður fjöl­breytt­ari og þar af leið­andi meiri slagkraft­ur,“ segir Lilja.