Advania han­að­ist um 173 millj­ónir króna á fyrstu sex mán­uðum árs­ins 2017. Alls námu heild­ar­tekjur fyr­ir­tæk­is­ins á tíma­bil­inu um 6,1 millj­arði króna og hækk­uðu um 5,3 pró­sent milli ára. Hagn­að­ur­inn þre­fald­að­ist hins vegar frá sama tíma í fyrra. 

Í til­kynn­ingu segir að hagn­aður fyrir fjár­mags­gjöld, skatta og afskriftir (EBIT­DA) hafi verið 527 millj­ónir króna, eða 45 pró­sent hærri en á sama tíma í fyrra. Ægir Már Þórs­son, for­stjóri Advania, segir að rekst­ur­inn hafi gengið mjög vel á fyrri hluta árs­ins. „Tekju­vöxt­ur­inn er sér­stak­lega ánægju­leg­ur, ekki síst í ljósi þess að hluti tekn­anna er í erlendri mynt og geng­is­þróun á tíma­bil­inu var óhag­stæð. Eft­ir­spurn eftir okkar þjón­ustu hefur auk­ist mikið og við sjáum fram á áfram­hald­andi vöxt, enda horfa öll stærri fyr­ir­tæki til upp­lýs­inga­tækn­innar í auknum mæli til að efla sinn rekst­ur, auka skil­virkni og styrkja sig á sam­keppn­is­mark­aði. Í því fel­ast mikil tæki­færi fyrir okk­ur."

Alls vinna um 600 manns hjá Advania, sem starfar á sviði upp­lýs­inga­tækni og veitir við­skipta­vinum sínum alhliða þjón­ustu og ráð­gjöf. 

Advania varð til eftir hrun, nánar til­tekið árið 2012, þegar nokkur félög voru sam­einuð í eitt stórt upp­­lýs­inga­­fyr­ir­tæki. Á meðal þeirra félaga sem sett voru inn í Advania voru EJS og SKÝRR, sem eitt sinn hét Skýrslu­­vélar rík­­is­ins og var þá opin­bert fyr­ir­tæki. Fyr­ir­tækið er að öllu leyti í eigu sænska félags­ins AdvIn­vest og hefur verið það frá því í apríl 2015.