Björgólfur sýknaður í fjársvikamáli

Fyrrverandi formaður bankaráðs Landsbankans, Björgólfur Guðmundsson, var á meðal níu manns sem voru ákærðir í fjársvikamáli sem rekið var fyrir frönskum dómstólum. Allir ákærðu voru í dag sýknaðir.

Björgólfur Guðmundsson var stjórnarformaður og einn aðaleiganda Landsbanka Íslands fyrir bankahrunið.
Björgólfur Guðmundsson var stjórnarformaður og einn aðaleiganda Landsbanka Íslands fyrir bankahrunið.
Auglýsing

Björgólfur Guð­munds­son, fyrr­ver­andi stjórn­ar­for­maður Lands­bank­ans, og átta aðrir sem voru ákærðir í máli sem höfðað var gegn þeim fyrir dóm­stólum í París í Frakk­landi, voru í dag sýkn­að­ir. Frá þessu er greint á vef RÚV. 

Aðal­­­með­­­ferð í mál­inu, sem var gegn Björgólfi, Gunn­­ari Thorodd­­sen, fyrr­ver­andi yfir­­­manni Lands­­bank­ans í Lúx­em­­borg, og sjö öðrum ein­stak­l­ingum sem störf­uðu beint eða óbeint fyrir bank­ann hófst fyrir í saka­­dómi í París í byrjun maí. Þeir sem voru ákærðir í mál­inu var gefið að hafa brotið gegn grein í frönskum hegn­ing­­ar­lögum sem fjallar um lof­orð um áhætt­u­­laus við­­skipti.

Málið hafði verið í und­ir­­bún­­ingi og rann­­sókn árum sam­­an. Einn þekkt­­asti rann­­sókn­­ar­­dóm­­ari Frakk­lands, Renaud Van Ruym­beke, rann­sak­aði það og skil­aði nið­­ur­­stöðu síðla árs 2014. Skömmu síðar voru níu ein­stak­l­ingar og lög­­að­il­inn Lands­­bank­inn í Lúx­em­­borg ákærðir í mál­inu. Sam­­kvæmt frönskum fjöl­miðlum gátu brotin sem um ræðir leitt að sér allt að fimm ára fang­els­is­­dóma og sekt upp á 375 þús­und evr­­­ur, um 43,4 millj­­ónir króna á gengi dags­ins í dag.

Auglýsing

Málið var mjög umfangs­­mikið og aðal­með­ferð þess stóð í nokkrar vik­ur. Líkt og áður sagði voru allir ákærðu sýkn­aðir í dag.

Keyptu skulda­bréf íslensku bank­anna

Í mál­inu var Lands­­bank­­anum í Lúx­em­­borg, Björgólfi Guð­­munds­­syni, Gunn­­ari Thorodd­­sen og sjö öðrum gefið að hafa blekkt um eitt hund­rað aðila á árunum 2006 til 2008. Á meðal ann­­arra sem voru ákærðir voru þrír fyrr­ver­andi yfir­­­menn hjá Lands­­bank­­anum í Lúx­em­­borg; Dan­inn Torben Bjer­regaard Jen­­sen, Sví­inn Olle Lind­­fors og Belg­inn Failly Vincent. Flestir þeir aðilar sem töldu sig hafa verið blekktir af Lands­­bank­­anum eru elli­líf­eyr­is­þegar og 22 meint fórn­­­ar­lömb bank­ans hafa lát­ist frá því að málið kom upp.

Einn þeirra sem taldi sig blekktan vegna þess sem kallað er í frönskum fjöl­miðlum svika­­mylla Lands­­bank­ans var Enrico Maci­as, 78 ára gam­all söngv­­ari sem er þjóð­þekktur í Frakk­landi. Í máls­­gögnum sem Kjarn­inn hefur undir höndum sagði að Macias hafi verið boðið að fá 35 millj­­ónir evra að láni til 20 ára og að vext­irnir á lán­inu yrðu 9,69 pró­­sent. Hann átti að fá níu millj­­ónir evra útgreiddar en afgangur láns­ins yrði settur í fjár­­­fest­ingar hjá Lands­­bank­­anum í Lúx­em­­borg sem átti að skila nægj­an­­legri ávöxtun til að borga vaxt­­ar­­kostn­að­inn af lán­inu hið minnsta. 

Macias var því í raun boðið að losa um níu millj­­ónir evra, um einn millj­­arð króna, í gegnum þann strúktúr sem honum var boð­inn. Á móti þurfti hann hins vegar að setja raun­veru­­leg veð í fast­­eign­­um. Í máls­­gögn­unum segir Macias að hann hafi verið blekktur og að Lands­­bank­inn í Lúx­em­­borg hafi mis­­notað umboð sitt til fjár­­­fest­inga fyrir láns­­féð með því t.d. að kaupa skulda­bréf á Lands­­bank­ann á Íslandi og Kaup­­þing skömmu áður en bank­­arnir tveir féllu haustið 2008. 

Þau skulda­bréf féllu gríð­­ar­­lega í verði við banka­hrun­ið, enda kröf­u­hafaröð breytt og inn­­lán gerð að for­­gangs­­kröf­­um. Auk þess var því haldið fram við máls­með­ferð­ina að rangar upp­­lýs­ingar hafi verið gefnar um sterka stöðu Lands­­banka Íslands.

Virði fast­­eigna blásið upp til að hækka lánin

Svika­­myllan sem fólkið hélt fram að það hafi verið blekkt til að taka þátt í snérist því um að Lands­­bank­inn hafi fjár­­­fest lánin sem það veitti fólk­inu með öðrum hætti en því hafði verið sagt og að staða bank­ans hafi verið mun verri en þeir sem seldu fólk­inu aðkomu að við­­skipt­unum höfðu haldið fram.

Slitabú Lands­­bank­ans í Lúx­em­­borg hélt hins vegar áfram að reyna að inn­­heimta lánin sem veitt voru með þessum hætti og það hefur sett þá sem þau tóku í mik­inn fjár­­hags­­vanda.

Lang­flestir sem tóku þátt í þessum við­­skiptum Lands­­bank­ans í Lúx­em­­borg eru ekki jafn efnað fólk og Macias og ekki er um jafn háar upp­­hæðir að ræða. Og hluti hóps­ins fékk ekki greitt út 25 pró­­sent láns­ins sem var veitt heldur setti það allt í fjár­­­fest­ingu hjá Lands­­bank­an­­um.

Á heima­­síðu sem hóp­­ur­inn heldur út, og kall­ast www.lands­­banki­vict­­ims .co.uk, segir að hóp­­ur­inn hafi „tekið þátt í þess­­ari hræð­i­­legu svika­­myllu eftir að gengið var á eftir okk­­ur. Til­­­gang­­ur­inn var að hagn­­ast á fjár­­­fest­ing­unni og veita okkur áhyggju­­laust ævi­­kvöld og vernda börnin okk­­ar.“ Þar segir enn fremur að virði húsa fólks­ins hafi verið blásin upp svo þau gætu fengið hærri lán gegn hærri veð­­um. Þannig gat Lands­­bank­inn bók­­fært hærri upp­­hæð sem útlán og fékk hærri upp­­hæð til að fjár­­­festa fyrir í nafni elli­líf­eyr­is­þeg­anna. „Við vorum blekkt,“ segir á heima­­síð­­unni.

Lög­­­maður Björg­­ólfs Guð­­munds­­sonar sagði við RÚV í sept­­em­ber 2014 að búið hefði verið að koma því á fram­­færi við rann­­sókn­­ar­­dóm­­ar­ann í Frakk­landi að Björgólfur hefði ekki haft nein yfir­­ráð yfir Lands­­bank­­anum í Lúx­em­­borg. Hann var samt sem áður ákærður í mál­inu.

Sig­rún Dav­íðs­dótt­ir, frétta­maður RÚV, var við­stödd dóms­upp­kvaðn­ingu í París fyrr í dag. Í frétt á vef RÚV er haft eftir henni að farið hafi verið yfir hvort fjár­mála­á­standið á Íslandi hafi haft áhrif á rekstur bank­ans í Lúx­em­borg, hvort að hegðun ákærðu í mál­inu gætu verið skil­greind sem svik, hvort að lán­tökum hafi verið lofað ein­hverju, eða gefin ein­hver trygg­ing, um gæði lána. Öllum þessum spurn­ingum hafi verið svarað neit­and­i. 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
McDonald's á Íslandi lokaði árið 2009.
Táknræn staða McDonald's á Íslandi kom aftur í ljós í hruninu
Prófessor í mannfræði við Háskóla Íslands segir að Íslendingar hafi lengi verið mjög upptekið af því hvernig fjallað er um land og þjóð utan landsteinanna og að lokun McDonald's hafi verið enn ein niðurlægingin á alþjóðavettvangi.
Kjarninn 14. október 2019
Samtal við samfélagið
Samtal við samfélagið
Samtal við samfélagið – Konur í fangelsum
Kjarninn 14. október 2019
Eyþór Laxdal Arnalds, oddviti Sjálfstæðisflokksins í Reykjavík.
Félag Eyþórs sem á í Morgunblaðinu með neikvætt eigið fé upp á 239 milljónir
Félagið sem heldur utan um eignarhald oddvita Sjálfstæðisflokksins í Reykjavík í útgáfufélagi Morgunblaðsins skuldar 360,5 milljónir króna en metur einu eign sina á 121,5 milljónir króna.
Kjarninn 14. október 2019
Þrátt fyrir að ellefu ár séu liðin frá því að Kaupþing fór á hausinn þá er bankinn samt sem áður ekki hættur að skila þeim sem vinna að eftirmálum þess þrots digrum launagreiðslum.
17 starfsmenn Kaupþings fengu 3,5 milljarða í laun í fyrra
Stjórn Kaupþings, sem telur fjóra til fimm einstaklinga, fékk 1,2 milljarð króna í laun á árinu 2018. Aðrir starfsmenn fengu líka verulega vel greitt. Meðalgreiðsla til starfsmanns var 17,4 milljónir króna á mánuði, sem eru margföld árslaun meðalmanns.
Kjarninn 14. október 2019
Þeir sem búa lengi erlendis missa kosningarétt og Kosningastofnun verður til
Umfangsmiklar breytingar eru í farvatninu á kosningalögum hérlendis. Nýjar stofnanir gætu orðið til, kosningaathöfnin sjálf gæti breyst, ákveðnum kosningum gæti verið flýtt og þeir sem hafa búið lengi samfleytt í útlöndum gætu misst kosningarétt sinn.
Kjarninn 14. október 2019
Eiríkur Ragnarsson
Yo yo: Verðbólga er kúl – lesið þessa grein
Kjarninn 13. október 2019
Guðmundur Halldór Björnsson
Dauðafæri fyrir íslensk fyrirtæki að ná auknum árangri?
Kjarninn 13. október 2019
Gagnrýna tækni sem ætlað er að hreinsa plast úr hafinu
Margir vonuðust til þess að nýstárleg aðferð frá fyrirtækinu Ocean Cleanup gæti nýst í baráttunni gegn plastmengun í hafinu. Vísindamenn hafa hins vegar gagnrýnt aðferðina harðlega vegna þeirra áhrifa sem hreinsunin hefur á lífverur sem festast í tækinu.
Kjarninn 13. október 2019
Meira úr sama flokkiInnlent