Framlög til Persónuverndar tvöfölduð

Í tæknivæddum heimi eru mál sem varða persónufrelsi og meðferð persónuupplýsinga sífellt að verða umfangsmeiri.

FAcebook
Auglýsing

Fram­lög til Per­sónu­verndar munu tæp­lega tvö­fald­ast á næsta ári, sam­kvæmt nýfram­lögðu fjár­laga­frum­varpi. Fjár­fram­lög til stofn­un­ar­innar fara úr 117,3 millj­ónum á þessu ári í 209 millj­ónir á næsta ári.

Ástæðan fyrir þess­ari hækkun er meðal ann­ars breytt og umfangs­meira hlut­verkt Per­sónu­verndar vegna breyt­ingar á Evr­ópu­lög­gjöf sem varðar per­sónu­vernd­ar­mál og með­ferð per­sónu­upp­lýs­inga. Sam­kvæmt lög­gjöf­inni munu fyr­ir­tæki og stofn­unar þurfa að til­efna svo­nefndan per­sónu­vernd­ar­full­trúa, og mun Per­sónu­vernd ann­ast und­ir­bún­ing og fræðslu­starf vegna þess­ara miklu breyt­inga sem eru í far­vatn­inu.

Þá kemur fram í upp­lýs­ingum með fjár­laga­frum­varp­inu að fjölga þurfi starfs­mönnum Per­sónu­verndar umtals­vert til að anna þeim störfum breytt lög­gjöf kallar á.

Auglýsing

Rík­­is­­sjóður verður rek­inn með 44 millj­­arða króna afgangi á næsta ári sam­­kvæmt fjár­­laga­frum­varpi árs­ins 2018 sem var kynnt í gær­morg­un. Afgangur fyrir vexti verður 104 millj­­arðar króna en rík­­is­­sjóður mun greiða 73 millj­­arða króna í vexti á árinu 2018, sam­kvæmt frum­varp­inu.

Á móti hefur ríkið einnig vaxta­­tekjur upp á 12 millj­­arða króna. Alls verða tekur rík­­is­­sjóðs 834 millj­­arðar króna en gjöld 790 millj­­arðar króna. Þar kemur einnig fram að ferða­­þjón­usta fari í almennt þrep virð­is­auka­skatts í jan­úar 2019, en áður hafði verið gert ráð fyrir að það myndi ger­­ast um mitt næsta ár. Á sama tíma mun almenna virð­is­auka­skatts­­þrepið lækka úr 24 pró­­sentum í 22,5 pró­­sent.

Á meðal helstu áherslu­­mála í fjár­­laga­frum­varp­inu eru að tekju­­trygg­ing hækk­­­ar, stofn­­styrkir til bygg­ingar almennra íbúða verða þrír millj­­arðar króna og stuðn­­ingur við fyrstu íbúð­­ar­­kaup verður festur í sessi. Hæstu greiðslur í fæð­ing­­ar­or­lofi munu hækka úr 500 í 520 þús­und krónur og fram­lög vegna mót­­töku flótta­­manna verða þre­­föld­uð.

Í til­­kynn­ingu segir að hugað verði sér­­stak­­lega að geð­heil­brigð­is­­málum í kerf­inu og að bygg­ing nýs Land­­spít­­ala muni hefj­­ast á seinni hluta árs­ins 2018 þegar vinna við með­­­ferða­kjarna við Hring­braut hefst. Fram­lög til bygg­ingar spít­­al­ans munu verða 2,8 millj­­arðar króna á næsta ári og alls munu heil­brigð­is- og vel­­ferð­­ar­út­­­gjöld hækka um 4,6 pró­­sent umfram launa- og verð­lags­­þró­un.



Meira úr sama flokkiInnlent