Jón Stein­dór Valdi­mars­son, þing­maður Við­reisn­ar, er orð­inn for­maður í stjórn­skip­un­ar- og eft­ir­lits­nefnd í stað Brynjars Níels­son­ar. Jón Stein­dór var kjör­inn í upp­hafi fundar nefnd­ar­innar í morg­un.

Brynjar Níels­son, þing­maður Sjálf­stæð­is­flokks­ins, hefur verið for­maður stjórn­skip­un­ar- og eft­ir­lits­nefndar og Jón Stein­dór, þing­maður Við­reisn­ar, hefur verið fyrsti vara­for­mað­ur.

Jón Stein­dór til­kynnti um þetta í upp­hafi opins fundar í nefnd­inni þar sem Sig­ríður And­er­sen dóms­mála­ráð­herra er gestur og ræðir upp­reist æru. Svan­dís Svav­ars­dótt­ir, þing­maður Vinstri grænna, er orðin fyrsti vara­for­maður nefnd­ar­inn­ar.

Brynjar Níels­son er ekki við­staddur fund­inn en hávær krafa hefur verið um það meðal ann­ara þing­manna að hann myndi víkja úr for­manns­sæti nefnd­ar­innar á meðan hún fjallar um upp­reist æru. Brynjar hefur lagt áherslu á að ein­stök mál yrðu ekki rædd í nefnd­inni og upp­lýs­ingar um upp­reist æru ekki birt­ar.

Vefur Alþingis hefur ekki enn verið upp­færður með þessum upp­lýs­ing­um. Ekki fást upp­lýs­ingar um hvort Brynjar hefur vikið úr sæti sínu end­an­lega úr nefnd­inni. Birgir Ármanns­son, þing­maður Sjálf­stæð­is­flokks­ins, situr fund­inn í dag en hann hefur ekki átt sæti í stjórn­skip­un­ar- og eft­ir­lits­nefnd hingað til.