Fjár­mála­eft­ir­litið (FME) til­kynnti Taconic Capi­tal Advis­ors LP og tengdum aðilum í dag að þeir telj­ist hæfir til að fara með virkan eign­ar­hlut í Arion banka hf. sem nemur allt að 33%, þ.m.t. dótt­ur­fé­lög­unum Stefni hf., Valitor hf., Verði trygg­ingum hf. og Verði líf­trygg­ingum hf.



Þetta kemur fram í til­kynn­ingu frá FME. 

Ákvörð­unin tekur gildi þegar hin „sér­stöku skil­yrði Fjár­mála­eft­ir­lits­ins frá 8. jan­úar 2010, sem gilda um eign­ar­hald Kaup­þings ehf. í Arion banka hf. í gegnum Kaup­skil ehf., falla brott, í síð­asta lagi þegar hluta­bréf í bank­anum verða tekin til við­skipta á skipu­legum verð­bréfa­mark­að­i,“ að því er segir í til­kynn­ing­unni frá FME.

Einnig hefur Fjár­mála­eft­ir­litið kom­ist að þeirri nið­ur­stöðu að Taconic Capi­tal Advis­ors LP og tengdir aðilar og Kaup­þing ehf. telj­ist í sam­starfi í skiln­ingi c-liðar 25. tölul. 1. mgr. 1 gr. a laga um fjár­mála­fyr­ir­tæki, sbr. VI. kafla sömu laga. Sam­an­lagður virkur eign­ar­hlutur þeirra í bank­anum getur því ein­ungis numið allt að þriðj­ungi, segir í til­kynn­ing­unni.

Sjóð­fé­lagar í Taconic Sidecar Master Fund SPC, Taconic Opportunity Master Fund LP og Taconic Master Fund 1.5 LP eru að stærstum hluta norð­ur­-am­er­ískir og evr­ópskir stofn­ana­fjár­fest­ar, líf­eyr­is­sjóð­ir, styrkt­ar- og fjöl­skyldu­sjóð­ir.



Í und­ir­bún­ingi hefur verið að skrá Arion banka á mark­að, en lík­legt er að það tefj­ist í það minnsta fram á næsta ár, vegna stjórn­ar­slit­anna í stjórn­mál­un­um. For­svars­maenn Kaup­þings hafa að und­an­förnu fundað með full­trúum stjórn­valda og Seðla­bank­ans um að ríkið falli frá for­kaups­rétti á bank­an­um, ef verð­mið­inn fer niður fyrir 0,8 sinnum eigið fé. Ríkið á 13 pró­sent hlut í bank­anum en miðað við 0,8 sinnum eigið fé, er bank­inn 172 millj­arða króna virði.



Helstu atrið­in, í til­kynn­ingu FME, fara hér á eft­ir.

Fjár­mála­eft­ir­litið leggur mat á hvort sá sem hyggst eign­ast virkan eign­ar­hlut sé hæfur til að fara með eign­ar­hlut­inn með til­liti til heil­brigðs og trausts rekst­urs fjár­mála­fyr­ir­tæk­is. Matið grund­vall­ast á við­mið­um, sem fram koma í 2. mgr. 42. gr. laga um fjár­mála­fyr­ir­tæki, auk þess sem stofn­unin hefur hlið­sjón af við­mið­un­ar­reglum evr­ópsku eft­ir­lit­stofn­an­anna á fjár­mála­mark­aði frá 2008 og 2016. [1]



Við mat Fjár­mála­eft­ir­lits­ins á hæfi Taconic Capi­tal Advis­ors LLP og tengdra aðila lagði stofn­unin mat á hæfi lúx­em­borgska fjár­fest­inga­fé­lags­ins TCA New Sidecar III S.à r.l. til að fara með virkan eign­ar­hlut í Arion banka hf. með beinni hlut­deild. TCA New Sidecar III S.à r.l. fer nú með um 9,99% hlut í bank­an­um.

Þá lagði Fjár­mála­eft­ir­litið mat á hæfi lúx­em­borg­sku fjár­fest­inga­fé­lag­anna TCA Opportunity Invest­ments S.à r.l., TCA Event Invest­ments S.à r.l. og TCA Sidecar II S.à r.l. til að fara með virkan eign­ar­hlut með óbeinni hlut­deild. Félögin fara nú sam­an­lagt með um 40,67% hlut í Kaup­þingi ehf., eða sem nemur um 23,35% óbeinum hlut í Arion banka hf.[2]

Jafn­framt lagði Fjár­mála­eft­ir­litið mat á hæfi eft­ir­far­andi aðila til að fara með virkan eign­ar­hlut í bank­anum með óbeinni hlut­deild:

• TCA Opportunity Hold­ing S.à r.l. með skráð aðsetur í Lúx­em­borg og er eign­ar­halds­fé­lag TCA Opportunity Invest­ments S.à r.l.
• TCA Event Hold­ing S.à r.l. með skráð aðsetur í Lúx­em­borg og er eign­ar­halds­fé­lag TCA Event Invest­ments S.à r.l.
• Taconic Sidecar Master Fund SPC, aðskilin eigna­söfn II og III, sem er sjóður með skráð aðsetur á Cayma­n­eyjum og fjár­magnar TCA Sidecar II S.à r.l. og TCA New Sidecar III S.à r.l.
• Taconic Sidecar GP LLC sem er ábyrgð­ar­að­ili Taconic Sidecar Master Fund SPC og með skráð aðsetur í Banda­ríkj­un­um.
• Taconic Opportunity Master Fund LP sem er sjóður með skráð aðsetur á Cayma­n­eyjum og fjár­magnar TCA Opportunity Invest­ments S.à r.l. í gegnum TCA Opportunity Hold­ing S.à r.l.
• Taconic Associ­ates LLC sem er ábyrgð­ar­að­ili Taconic Opportunity Master Fund LP og með skráð aðsetur í Banda­ríkj­un­um.
• Taconic Master Fund 1.5 LP sem er sjóður með skráð aðsetur á Cayma­n­eyjum og fjár­magnar TCA Event Invest­ments S.à r.l. í gegnum TCA Event Hold­ing S.à r.l.
• Taconic Capi­tal Partners LLC sem er ábyrgð­ar­að­ili Taconic Master Fund 1.5 LP og með skráð aðsetur í Banda­ríkj­un­um.
• Taconic Capi­tal Advis­ors LP sem stýrir fjár­fest­ingum og eignum Taconic Sidecar Master Fund SPC, Taconic Opportunity Master Fund LP og Taconic Master Fund 1.5 LP., sem og TCA New Sidecar III S.à r.l., TCA Opportunity Invest­ments S.à r.l., TCA Event Invest­ments S.à r.l. og TCA Sidecar II S.à r.l. Félagið stundar sér­hæfða sjóða­stýr­ingu í Banda­ríkj­unum sam­kvæmt leyfi og undir eft­ir­liti banda­ríska verð­bréfa­eft­ir­lits­ins, US Securities and Exchange Commission. Félagið stundar einnig leyf­is­skylda starf­semi í Bret­landi og Hong Kong.
• Taconic Capi­tal Per­for­mance Partners LLC sem er ábyrgð­ar­að­ili Taconic Capi­tal Advis­ors LP og með skráð aðsetur í Banda­ríkj­un­um.
• Frank Bros­ens sem fer með yfir­ráð í Taconic Capi­tal Per­for­mance Partners LLC.

Mat Fjár­mála­eft­ir­lits­ins grund­vall­að­ist á til­kynn­ingu Taconic Capi­tal Advis­ors LP og tengdra aðila til að fara með allt að 33% virkan eign­ar­hlut í Arion banka hf., fylgi­skjölum hennar og öðrum upp­lýs­ingum sem stofn­unin afl­aði frá aðil­un­um. Matið byggði einnig á upp­lýs­ingum sem stofn­unin afl­aði frá erlendum fjár­mála­eft­ir­lit­um.

Við matið var sér­stak­lega horft til þess að Arion banki hf. telst kerf­is­lega mik­il­vægt fjár­mála­fyr­ir­tæki sam­kvæmt skil­grein­ingu fjár­mála­stöð­ug­leika­ráðs. Með hlið­sjón af því kann­aði Fjár­mála­eft­ir­litið sér­stak­lega getu Taconic Capi­tal Advis­ors LP og tengdra aðila til að styðja fjár­hags­lega við bank­ann við sér­stakar aðstæð­ur.