„Skatt­frjálsir sparn­að­ar­reikn­ingar slá nokkrar flugur í einu höggi. Þeir hvetja til sparn­aðar og auka fram­boð fjár­mögn­unar í hag­kerf­inu, án þess þó að beina sparn­aði í einn far­veg frekar en ann­an.“

Þetta segir í grein Haf­steins Hauks­son­ar, hag­fræð­ings hjá GAMMA, í nýj­ustu útgáfu Vís­bend­ing­ar. Í grein­inni veltir hann fyrir sér leið sem farin er í Bret­landi, þegar kemur að skattaí­vilnun til hluta­bréfa­kaupa. Þá fjallar hann einnig um sparn­að­ar­upp­bygg­ingu fólks, og hvernig hún eigi sér stað á Íslandi. Í hverju eignir fólks liggja og hvernig breyt­ingar verða á þeirri stöðu með tím­an­um.

Haf­steinn fjallar sér­stak­lega um skatt­frjálsa sparn­að­ar­reikn­inga. „Þeir skapa hvata fyrir minni fjár­festa til þess að kynna sér mis­mun­andi ávöxt­un­ar­mögu­leika og leggja mat á kosti þess að fjár­festa í verð­bréf­um, hvort sem er á skipu­legum verð­bréfa­mark­aði eða með fjár­fest­ingum í verð­bréfa­sjóð­um, og stuðla að upp­lýstri umræðu um fjár­mál ein­stak­linga. Að lokum jafna þeir stöðu efna­meiri fjár­festa og efna­minni fjár­festa með því að ein­falda minni fjár­festum að ávaxta sparifé sitt og ívilna spari­fjár­eig­endum hlut­falls­lega meira eftir því sem þeir hafa minna til að leggja fyr­ir,“ segir í grein­inn­i. 

Hægt er að ger­ast áskrif­andi að Vís­bend­ingu hér.