Meirihluti fyrir aðild að ESB á meðal kjósenda Vinstri grænna

Ný könnun sýnir að 51 prósent kjósenda Vinstri grænna séu fylgjandi aðild að Evrópusambandinu. Meirihluti þjóðarinnar er þó á móti aðild. Mikil munur er á afstöðu fólks eftir búsetu, menntun, tekjum og því hvaða stjórnmálaflokk viðkomandi styður.

14088079625_1618443eaa_z.jpg
Auglýsing

Alls segj­ast 51 pró­sent stuðn­ings­manna Vinstri grænna vera fylgj­andi því að ganga í Evr­ópu­sam­bandið í nýlegri könnun sem Gallup gerði fyrir sam­tökin Já Ísland. Sam­kvæmt þeirri nið­ur­stöður er meiri­hluti fyrir því á meðal stuðn­ings­manna Vinstri grænna, sem mæl­ast með 25,2 pró­sent fylgi sam­kvæmt nýj­ustu kosn­inga­spá Kjarn­ans, að ganga í Evr­ópu­sam­band­ið. Það er and­stætt stefnu flokks­ins sem er að Ísland eigi að standa utan sam­bands­ins. For­svars­menn hans hafa hins vegar verið opnir fyrir því að leyfa þjóð­inni að ráða hvort að farið verði á ný í við­ræðum við Evr­ópu­sam­bandið eða ekki.

Meiri­hluti þjóð­ar­innar er þó enn á móti aðild. Alls segj­ast sex af hverjum tíu að þeir vilji standa utan sam­bands­ins. Mikil munur er á afstöðu fólks eftir búsetu, mennt­un, tekjum og því hvaða stjórn­mála­flokk við­kom­andi styð­ur.

Gjá milli höf­uð­borgar og lands­byggðar

Alls sögð­ust 40,2 pró­sent aðspurðra vera með aðild að Evr­ópu­sam­band­inu en 59,8 pró­sent á móti. Stuðn­ingur við aðild hefur auk­ist umtals­vert frá því að hann var kann­aður síð­ast í febr­úar 2017, en þá sögð­ust 33,9 pró­sent vera fylgj­andi aðild.

Auglýsing

Karlar eru lík­legri til að styðja aðild en konu er og stuðn­ingur við hana er mun meiri hjá yngra fólki en því sem eldra er. Þannig segj­ast 55 pró­sent aðspurðra í ald­urs­hópnum 18-24 ára að þeir myndu örugg­lega eða senni­lega greiða atkvæði með aðild að Evr­ópu­sam­band­inu ef greitt yrði atkvæði í dag. Stuðn­ing­ur­inn er hins vegar minnstur hjá þeim eru 55 ára og eldri. Þar segj­ast ein­ungis 33 pró­sent aðspurðra styðja inn­göngu í Evr­ópu­sam­band­ið.

Reyk­vík­ingar vilja mun fremur ganga í sam­bandið en fólk sem býr á öðrum svæðum lands­ins. Í höf­uð­borg­inni segj­ast 50 pró­sent aðspurðra að þeir vilji örugg­lega eða senni­lega inn í það en sama hlut­fall er á móti. Í nágranna­sveit­ar­fé­lögum Reykja­víkur er stuðn­ing­ur­inn 40 pró­sent en í öðrum sveit­ar­fé­lögum ein­ungis 30 pró­sent. Því er ljóst að gjá er á milli höf­uð­borg­ar­svæð­is­ins og lands­byggðar þegar kemur að stuðn­ingi við aðild.

Mark­tækur munur eftir mennt­un­ar­stigi

Sá hópur sem er með fjöl­skyldu­tekjur á bil­inu 550 til 799 þús­und krónur á mán­uði og sá sem er með meira en milljón krónur í fjöl­skyldu­tekjur á mán­uði eru lang­lík­leg­astir til að segja já við því að ganga í sam­band­ið. Alls segj­ast 48 pró­sent aðspurðra í báðum þessum tekju­hópum að þeir vilji inn. Minnstur er stuðn­ing­ur­inn í þeim sem hópi sem hefur mán­að­ar­legar fjöl­skyldu­tekjur upp á 400 til 599 þús­und krónur á mán­uði. Þar segj­ast ein­ungis 31 pró­sent styðja aðild.

Katrín jakobsdóttir er formaður Vinstri grænna.Mark­tækur munur er á stuðn­ingi fólks eftir mennt­un­ar­stigi. Stuðn­ingur við aðild er minnstur hjá þeim sem eru ein­ungis með grunn­skóla­próf. Þar eru 32 pró­sent fylgj­andi aðild en restin á móti. Hjá þeim sem eru með háskóla­próf er hins vegar meiri­hluti fyrir aðild. Á meðal þess hóps segj­ast 53 pró­sent fylgj­andi inn­göngu í Evr­ópu­sam­band­ið.

Kjós­endur Sjálf­stæð­is- og Fram­sókn­ar­flokks helst á móti

Mik­ill munur er á afstöðu fólks eftir því hvaða flokk við­kom­andi myndi kjósa til Alþing­is. Kjós­endur Sam­fylk­ing­ar­innar eru mjög ein­arðir stuðn­ings­menn aðild­ar. Innan þeirra raða segj­ast 93 pró­sent styðja aðild. Stuðn­ings­menn Pírata eru einnig mjög fylgj­andi aðild, en 79 pró­sent þeirra myndu örugg­lega eða senni­lega segja já við aðild ef kosið yrði í dag. Athygli vekur að meiri­hluti kjós­enda Vinstri grænna, þess flokks sem mælist stærstur í skoð­an­ana­könn­unum um þessar mund­ir, eru fylgj­andi aðild að Evr­ópu­sam­band­inu. Alls segja 51 pró­sent þeirra að þeir vilji inn í sam­bandið en 49 pró­sent eru á móti.

Stuðn­ing­ur­inn er minnstur hjá kjós­endum Flokks fólks­ins (29 pró­sent) Sjálf­stæð­is­flokks (27 pró­sent) og Fram­sókn­ar­flokks­ins (24 pró­sent).

Könn­unin var unnin fyrir Já Ísland og var fram­kvæmd 11-24. sept­em­ber síð­ast­lið­inn. Um var að ræða net­könnun og úrtakið var 1.435 manns um allt land. Allir þátt­tak­endur voru 18 ára og eldri og voru handa­hófs­valdir úr Við­horfa­hópi Gallup. Þátt­töku­hlut­fall var 59,5 pró­sent.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rannsóknarskipið Hákon krónprins við rannsóknir í Norður-Íshafi.
Ískyggilegar niðurstöður úr Norður-Íshafi
Lífríkið undir ísnum í Norður-Íshafinu er ekki það sem vísindamenn áttu von á. Í nýrri rannsókn kom í ljós að vistkerfið einkennist ekki af tegundum sem helst einkenna hin köldu heimskautasvæði.
Kjarninn 17. ágúst 2022
Ingrid Kuhlman
Tölum um dauðann
Kjarninn 17. ágúst 2022
Lilja Alfreðsdóttir er menningar- og viðskiptaráðherra.
Stefnt að því að sameina þrjá tónlistarsjóði í einn og skilgreina Sinfó sem þjóðareign
Menningar- og viðskiptaráðherra hefur lagt fram drög að nýjum heildarlögum um tónlist. Stofna á Tónlistarmiðstöð, sjálfseignarstofnun sem á að verða hornsteinn íslensks tónlistarlífs og rekin með svipuðum hætti og Íslandsstofa.
Kjarninn 17. ágúst 2022
Í sumar hafa tugir borga í Kína lýst yfir hættuástandi vegna hita.
Verksmiðjum lokað og mikill uppskerubrestur blasir við
Hitabylgja sumarsins hefur haft gríðarleg áhrif á stórum landsvæðum í Kína. Rafmagn er skammtað og algjörum uppskerubresti hefur þegar verið lýst yfir á nokkrum svæðum.
Kjarninn 17. ágúst 2022
Seðlabankinn mun kynna næstu stýrivaxtaákvörðun í næstu viku.
Búast við að stýrivextir verði komnir upp í sex prósent í byrjun næsta árs
Markaðsaðilar vænta þess að verðbólgan sé við hámark nú um stundir en að hún muni hjaðna hægar. Í vor bjuggust þeir við að verðbólga eftir ár yrði fimm prósent en nú telja þeir að hún verði 5,8 prósent.
Kjarninn 17. ágúst 2022
Segja toppana í samfélaginu hafa tekið sitt og að lágmark sé að launafólk fái það sama
Í Kjarafréttum Eflingar er lagt til að almenn laun hækki um 52.250 krónur á mánuði miðað við núverandi verðbólgu. Ríkið þurfi auk þess að koma að kjarasamningaborðinu með tug milljarða króna aðgerðir til að bæta stöðu þeirra verst settu í samfélaginu.
Kjarninn 17. ágúst 2022
Starfsmenn Hvals hf. komu dróna svissneska ríkisfjölmiðilsins til lögreglunnar á Akranesi án þess að til húsleitaraðgerðar þyrfti að koma.
Hvals-menn skiluðu dróna svissneska ríkisfjölmiðilsins til lögreglu
Lögreglan á Akranesi fékk kvikmyndatökudróna sem starfsmenn Hvals hf. hirtu af starfsmönnum svissnesks ríkisfjölmiðils afhentan og kom honum til eigenda sinna. Bæði drónaflugið og drónastuldurinn eru á borði lögreglunnar.
Kjarninn 17. ágúst 2022
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Meira úr sama flokkiInnlent