Rex Tiller­son, utan­rík­is­ráð­herra Banda­ríkj­anna, stendur í ströngu þessi miss­er­in, en hann hefur opin­ber­lega deilt við Don­ald Trump Banda­ríkja­for­seta um spenn­una á Kóreu­skaga. Hann segir að Banda­ríkja­for­seti hafi þó samn­ings­vilja alveg þar til fyrstu sprengj­unni hefur verið varp­að. 

Í við­tali við CNN segir Tiller­son að hann muni reyna til þrautar að semja, og vinna að frið­sam­legri lausn en eins og kunn­ugt er þá hefur Kim Jong Un, leið­togi Norð­ur­-Kóreu, ítrekað hótað Banda­ríkj­unum og banda­mönnum því að láta sprengjur falla á „óvin­ina“. Sér­stak­lega hefur ógnin verið mikil í Japan og Suð­ur­-Kóreu, en í til­rauna­skotum hers­ins í Norð­ur­-Kóreu hafa flaugar ítrekað flogið yfir jap­anskt yfir­ráða­svæði.

Trump hefur opin­ber­lega gagn­rýnt Tiller­son og sagt að Kim Jong Un muni ekki hlusta og það sé til­gangs­laust að reyna að semja við hann.

Svo virð­ist sem ein­stök ríki Banda­ríkj­anna séu mörg hver farin að búa sig undir að stríðs­á­tök geti brot­ist út, og árás gerð á Banda­ríkin með lang­drægum flaug­um. 

Í tíma­rit­inu For­eign Policy var fjallað um það í sept­em­ber síð­ast­liðn­um, að í Kali­forn­íu, fjöl­menn­asta ríki Banda­ríkj­anna með 38 millj­ónir íbúa, væru yfir­völd að taka kjarn­orkuógn­ina alvar­lega. 

Er meðal ann­ars vísað til skýrslu og leið­bein­inga sem hafa verið gefin út um hvernig skuli bregð­ast við, ef til kjarn­orku­árásar komi. Var þessar upp­lýs­ingar sendar til ýmissa opin­berra stofn­anna í Kali­forníu í ágúst síð­ast­liðn­um, að því er fram kemur í umfjöllun For­eign Policy.